Microsoft Word Tursunboyev S. O'zbek teatri tarixi. Majmua

HAMID OLIMJON 
(1909—1944)
 
 
Atoqli  shoir  va  dramaturg  Hamid  Olimjon  1909-yil  12-dekabrda  Jizzax  shahrida 
tavallud  topgan.  Boshlang’ich  maktabni  tugatgach,  Samarqand  pedagogika  bilim  yurtida, 
so’ng  pedakademiyada  (1926—1931)  tahsil  ko’rgan.  U  1939-yildan  umrining  oxirigacha 
O’zbekiston Yozuvchilar uyushmasiga rahbarlik qilgan. 
O’zbekiston Fanlar akademiyasining muxbir a’zosi (1943) Hamid Olimjon qator ilmiy 
maqolalari  bilan  ko’ringan  olim,  xassos  shoir  bo’lish  bilan  bir  qatorda  dramaturgiya 
sohasida ham samarali qalam tebratgan. 1942-yili N. Pogodin, Uyg’un, S. Abdullalar bilan 
hamkorlikda  «O’zbekiston  qilichi» pyesasini  yaratdi. Vafotidan  uch oycha avval  «Jannat» 
degan  dramasini  yozib  tugatdi.  1944-yili  yozilgan  «Muqanna»  asari  uning  dramaturglik 
faoliyatida eng yirik namuna bo’lib qoldi. 
«Muqanna»  o’zbek  xalqining  arab  bosqinchilariga  qarshi  ozodlik  kurashi  tarixidan 
olingan  bo’lib,  Ikkinchi  jahon  urushi  yillarida  fashizmga  qarshi  vatanparvarlik  harakatini 
kuchaytirishda katta tarbiyaviy ahamiyat kasb etdi. Asar o’sha yili hozirgi Milliy akademik 
drama  teatrida  M. Uyg’ur  va  S. Mixoels  tomonidan  sahnaga  qo’yildi.  Bosh  rollarni  Abror 
Hidoyatov  (Muqanna),  Sora  Eshonto’rayeva  (Guloyin),  Shukur  Burhonov  (Said  battol), 
Obid Jalilov (Jaloyir)lar o’ynaganlar. 
Asarning  musiqali  drama  varianti  (Yu. Rajabiy,  G. Mushel  musiqasi)  o’sha  yilning 
yozida  Yangiyo’ldagi  musiqali  teatrda  Yetim  Bobojonov  talqinida  sahnaga  qo’yilgan. 
Muqanna rolida Sattor Yarashev, Guloyin rolida Farog’at Rahmatova va Said battol rolida 
Abdurauf Boltayev chiqqanlar.