Microsoft Word Tursunboyev S. O'zbek teatri tarixi. Majmua

«TO’MARIS» ASARI HAQIDA IKKI SHARH 
SAHNADA «TO’MARIS» 
 
Shu  yilning  7-dekabr  oqshomida  el  suygan  qahramonlardan  biri  To’maris  Hamza 
nomidagi o’zbek davlat akademik drama teatri sahnasiga chiqdi. Iste’dodli yosh dramaturg 
Salohiddin  Sirojiddinov  asari  asosida  O’zbekistonda  xizmat  ko’rsatgan  san’at  arbobi, 
Hamza  nomidagi  Davlat  mukofotining  sovrindori  Rustam  Hamidov  sahnalashtirgan 
«To’maris»  spektakli  tomoshabinlarga  kutilganidan  ham  ko’proq  hayajon  berdi,  o’z 
o’tmishini unutib qo’yayozgan odamlarning mudroq hislariga ruh bag’ishladi. 
Tengdoshlaring  asarlarini  katta  teatr  sahnasida,  ayniqsa,  Zikir  Muhammadjonov, 
Yoqub  Ahmedov,  Gavhar  Zokirova,  Malika  Ibrohimova,  Shirin  Azizova,  Tolib  Karimov, 
Ikroma  Boltayeva,  Gulchehra  Ibrohimbekova,  Turg’un  Xonto’rayev  kabi  sevimli 
san’atkorlarimiz  talqinida  tomosha  qilish  juda  boshqacha  bo’larkan.  Muallifning 
hayajonlanishini kuzatishhammasidan ham maroqli. Umr pillapoyasidan bir pog’ona yuqori 
ko’tarilgandek o’zingni yengil sezarkansan!.. 
Biz  To’marisni  uzoq  kutdik,  u  bizni  shunchalar  ko’p  kutdirdiki,  bu  intizorlik  qilgan 
ozmi-ko’pmi  gunohlarimizga,  ancha-muncha  xatolarimizga  guvoh  bo’ldi.  Kuni-kecha 
«Hamza»  teatri  sahnasini  zabt  etgan  «To’maris»  aslida  1984-yilning  oxiri,  1985-yilning 
boshlarida yozilgan edi. Buni qarangki, asar dunyoga kelgandan so’ng ham bizni qariyb olti 
yil ilhaq qildi. Dastlab, «Shamshir tutgan ayol» deb nomlangan «To’maris» asari Muqimiy 

---

nomli o’zbek davlat musiqali drama teatri hamda Farg’ona teatrining g’aladonlarida oylab, 
yillab saqlandi. 
«Zaminni  zulmat  qoplab  kelmoqda!  Kimningki  yuragida  mehr-muhabbat,  shafqat, 
sadoqat  hislari  bor  ekan,  o’shagina  zulmatga  qarshi  yonishi  mumkin!»  degan  hayqiriq 
Kayxisravni  ham seskantirib  yuboradi. To’maris  o’g’li  Saprinagiz  va  uning sevgilisi Eron 
qizi  Rayyadani  o’lim  changalidan  ozod  qilib,  o’zini  olovga  otadi.  U  tomoshabin  ko’z 
o’ngida  hech  so’nmas  olovga  aylanadi,  yonib  ketadi!  Asar  «Ona  yuragi  hech  qachon 
aldamaydi», degan hukm bilan yakunlanadi. 
Shuni  tan olish  kerakki, Malika Ibrohimova To’marisni chinakam  jangovor ruh berib 
qiyomiga  yetkazib  o’ynadi.  Eron  shohi  niqobida  sahnaga  chiqqan  Yoqub  Ahmedov 
tomoshabinlar ko’nglida yovuzlikka nisbatan nafrat, vahshiylikka qarshi isyon uyg’otishga 
muvaffaq  bo’loldi.  Yosh  aktrisa  Mahfuza  Bobotillayeva  muhabbat  timsoli  bo’lgan 
Maganani shunchalar qoyil qilib  ijro etdiki, san’at  muxlislarining  yuzlari  ishq alangasidan 
yorishib ketgandek bo’ldi.