Microsoft Word Tursunboyev S. O'zbek teatri tarixi. Majmua

ZAYNAB SADRIYEVA ONA ROLIDA 
...Husn-jamoli,  qomati,  go’zal  talaffuzi  sevgi  qahramonlari  rolini  bemalol  o’ynashga 
da’vat  etib  tursa-da,  Zaynabxon  o’z  ijodining  debochasidanoq  lirik  plandagi  yo’nalishdan 
o’zini tutib, nozik rollarni emas, fojiaviy, ayanchli yoki ibratli, yoki kulgiga boy xarakterli 

---

rollarni  o’ynashni  lozim  ko’rdi.  Oqila  aktrisa  to’g’ri  ijodiy  yo’l  tanladi.  Rejissorlar  ham 
san’atkorning  bu  fazilatini  darrov  payqab  olishdi.  Dramaturg  Bahrom  Rahmonov  «Yurak 
sirlari»ning  elga  yoyilib  ketishiga  oq  ko’ngil,  mehribon  qaynona  Xosiyat  xola  obrazini 
samimiy  o’ynagan  Zaynab  Sadriyevaning  xizmati  singdi.  Siz  bu  obraz  bilan  Abdulla 
Qahhorning  «Og’riq  tishlar»idagi  sutpurush  savdogar,  bag’ritosh  qaynona  obrazini 
taqqoslab ko’ring-chi! Ikki qalb egasini mohirlik bilan ko’rsata oldi u. «Shohi so’zana»dagi 
Xolniso  kampir  bilan  «Momaqaldiroq»dagi  ig’vogar  xotin  Peklushani  artist  qanday  talqin 
etganini bir-biriga  xayolan solishtirib ko’ring-chi. Shunda siz bu kamtarin, tinib-tinchimas 
aktrisaning  qalbi  inson  xarakterlarini  chizib  tasvirlaydigan  san’at  bo’yoqlariga  boy  xazina 
ekanligiga  ishonch  hosil  qilasiz.  Aktrisaning  tasvirlash,  ifodalash,  jonlantirish  kuchiga 
maftun bo’lib, bu san’atkorning o’yinini kanda qilolmaysiz. 
 
Yong’in Mirzo
. «Rollar va yo’llar» 
O’zbekiston madaniyati» gazetasi, 
1967-yil, 26-dekabr, 102-son. 
 
 
YURAK SIRLARI 
(Birinchi parda, birinchi ko’rinishdan parcha)