Microsoft Word Tursunboyev S. O'zbek teatri tarixi. Majmua

Q.XOJAYEV ILHOM OBRAZI HAQIDA 
...Ilhom —  ijodimdagi birinchi  ijobiy qahramon edi. Shu sababdan  ham bu rol  ustida 
ishlashim og’ir kechdi, kerakli xatti-harakat, qiyofa, ohang hadeganda topilavermadi, ko’p 
o’ylash,  izlanishga  to’g’ri  keldi...  «Yurak  sirlari»  spektaklida  aktyorning  yuragini 
jazillatadigan,  toshbag’ir  tomoshabinni  ham  mumdek  eritadigan  ko’pgina  alomat  lavhalar 
mavjud edi. Uchinchi parda,  masalan, boshdan-oyoq ana shunday  insonning  qalb torlarini 
chertadigan uchrashuvlar, do’stlik, muhabbat va sadoqat haqidagi shirin suhbatlar umuman, 
ezguliklar,  ya’ni  dramaturg  tili  bilan  aytganda,  yurak  sirlari  bilan  to’qilgandi. 
Aktyorlarning,  shu  jumladan,  mening  ham  mazkur  spektaklda  zo’r  ilhom  bilan  astoydil 
berilib o’ynashimning boisi ham shunda. 
«Yurak sirlari» tomoshabinlarni ham kuldirar, ham yig’latar, oila va burch jumboqlari 
ustida  bosh  qotirishga  majbur  qilar,  uning  boshiga  go’zallik  va  ezgulik  nurini  sochar  edi. 
Shuning uchun ham spektakl uzoq umr ko’rdi. 
Qudrat Xo’jayev
, O’zbekiston xalq artisti. 
«Go’zallik shaydosiman», 1976-yil, 98-bet.