Microsoft Word Turoperator majmua tayyor doc

13.4.Sotish bo‘yicha hamkorlarni tanlash. 
Hamkorlarni tanlashda uch omilni hisobga olish lozim: 
potensial 
hamkorlarning huquq qobiliyati, kredit qobiliyati va faoliyat qobiliyati.
 
Huquq qobiliyati
– firmada turistik xizmatlarni sotish bilan 
shug‘ullanish uchun huquqiy asoslarning mavjudligidir. Huquqiy status milliy 
qonunchilik bilan aniqlanadi va turli davlatlarda turli huquqiy shakllarda 
tasdiqlanadi (masalan, litsenziya, patent, registratsiya). 
Kredit qobiliyati -
bu tushuncha orqali firmaning tuzilgan bitimlar 
bo‘yicha hisob-kitoblarni o‘z vaqtida ta’minlash uchun yetarli pul vositalariga 
egaligini bildiradi.
Faoliyat qobiliyati
. Bu tushuncha ostida turistik firmaning tuzilgan 
bitimdan kelib chiqadigan majburiyat va huquqlarini bajara olish qobiliyati 
tushuniladi. Turistik firma faoliyat qobiliyati qandaydir doimiy ko‘rsatkichlar 
bilan cheklanib qolmaydi.
Turoperator turagentni diqqat bilan tanlashi kerak, uning 
ishonchliligiga ishonch hosil qilganidan keyingina u bilan agentlik bitimini 
tuzish mumkin. Agentlarni turmahsulot xususiyatlaridan va oldiga qo‘yilgan 
realizatsiya masalalaridan kelib chiqib tanlaydilar. 
Turagentlarni tanlashda e’tiborga olinadigan omillar: 
- turlarning predmet yo‘nalishi; 

---

411
- huquq va majburiyatlar hajmi; 
- korxonalar guruhining ma’lum hududi mavjudligi; 
- potensial turistlar guruhlarining ijtimoiy-iqtisodiy va boshqa 
kriteriylari; 
- sotish usullari va texnologiyasining turlichaligi; 
- o‘zaro hisob-kitoblar ko‘rinishi; 
- ish tajribasi va turizm sohasidagi mavqei (imidji); 
- mazkur faoliyat ko‘rinishi uchun litsenziyaning mavjudligi. 
Tayanch so‘z va iboralar
: 
sotish kanali, sotishning ichki kanallari, 
sotishning tashqi kanallari, xususiy sotishlar byurosi, an’anaviy turmahsulotni 
sotish, noan’anaviy turmahsulotni sotish, ulgurji turistik firmalar, chakana 
turistik firmalar.