Microsoft Word togaymurod otamdan qolgan dalalar lotin ziyouz com doc

 
26
Tag‘in kallai saharlab etik kiya-kiya tashqarilayman. Zinaga oyoq tashlayman... 
Ohista ko‘z ochaman. Ko‘z qirim bilan yonboshlarimga qarayman. 
Men muallimlarimiz yotog‘ida yotmish bo‘laman. 
— Bolani tezroq turg‘azish kerak, — deydi direktorimiz. 
— Qo‘ying, yotsin, — deydi muallim. — Bechora bola zinadan yomon uchib tushdi. 
— Bovujud, yonboshi bilan tushdi. 
— Boshi bilan tushsa kallasi yorilardi. 
— U dorini butifos deb qo‘yibdi. 
— Butifos yomon-e, yomon! 
— O‘rtoq direktor, endi bolani dori sepiluvchi dalaga yuborib bo‘lmaydi. 
— Onasini bilasiz — kimsan Bolxin terimchi. 
— Bolxin terimchi bo‘lsa nima bo‘pti? — deydi direktorimiz. 
— Bolxin terimchi obro‘-e’tiborli ayol. Bolaga bir nima bo‘lib qolsa, onasidan baloga qolamiz. 
— Unda, kimni yuboramiz, aytinglar? — deydi direktorimiz. — Faqat oz teradiganlardan bo‘lsin. 
Yo‘qlama daftarni o‘qiyman: Jalilov Xurram? 
— Bo‘lmaydi — otasi uchiga chiqqan arizaboz. 
— Bir gap bo‘lsa Toshkangacha yozadi. 
— Yozishni qo‘ying, idorama-idora chopadi. 
— Oti katta bor — qabuliga kiradi. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
40
— Unda, bo‘lmaydi. Qoraboev Abil? 
— Abil merganni o‘g‘limi? E-e; qo‘ying-qo‘ying. 
— Nimaga qo‘yamiz? 
— Abil merganni bilmaysizmi? 
— Bilamiz! — deydi direktorimiz. — Mergan bo‘lsa kim bo‘pti? 
— Manavi sinf rahbaridan so‘rang, aytib beradi. 
— Buyoq chin aytayappi, o‘rtoq direktor. Abil mergan odam emas. Bir safar bolasini darsda bir-
ikki turtib edim — otasiga borib aytibdi. Bir. mahal Abil mergan uyimizga bostirib borsa bo‘ladimi. 
Yelkasida miltiq! 
— Miltiq? 
— Ha-da, miltiq bo‘lgandayam — qo‘shog‘iz miltiq! Darvozadan, qani jallod deb baqiradi-da. 
Ayolimiz uyda yo‘q, desayam ketmaydi. Miltig‘ini uyimizga peshlaydi. Tepkisini shaqur-shuqurlatadi. 
O‘sha jallod buyoqqa bir qarasin, deydi. 
— Qaradingizmi? 
— Qarab bo‘ladimi! Merganga odam bilan bo‘rini nima farqi bor — paqillatib otadi-qo‘yadi-da. 
Shundan buyon bolasini chertolmay qoldim. 
— Xavfli shaxs, xavfli! — deya bosh saraklaydi direktorimiz. — Cho‘liboev Ziyod? 
— Bir qari onasi bor. 
Direktorimiz shahodat barmog‘ini nishlaydi. 
— Ana shu bo‘ladi! —deydi. Muallimlarimiz tashqarilaydi.