Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
39
Endi bayroqni boshim uzra bir chapimga chayqayman, bir o‘ngimga chayqayman. 
«Dori sepish tamom bo‘ldi, dori sepish tamom bo‘ldi!» 
Uchuvchi bayroq tilini uqib oladi. Uchuvchi samolyot qanotlarini sollantirib chayqab-sollantirib 
chayqab oladi: 
«Angladim — dori sepish tamom bo‘ldi, 
angladim — dori sepish tamom bo‘ldi!» 
Uchuvchi ana shunday deya-deya, manzil-makoni taraf ravona bo‘ladi. 
Men umrimda birinchi bor samolyotni ana shunday yaqindan ko‘raman. Men umrimda birinchi bor 
uchuvchini ana shunday yaqinidan ko‘raman. 
Mendan saodatmand bo‘lmaydi! 
25 
Yetarda bolalar havas bilan hol so‘raydi. 
— Qanday? — deydi. 
Men boshmaldog‘imni narra etib ko‘rsataman. 
— Mana bunday! — deyman. — Mazza! 
— Uchuvchini-da ko‘rdingmi? 
— Ko‘rmay nima! — deyman. — Uchuvchn menga mana bunday qilib qo‘l silkidi! 
— Senga-ya? 
— Esa-chi, menga bo‘lmay kimga — menga-da! 
— Sen nima qilding? 
— Nima qilar edim— qo‘l silkidim-da! 
— Yoril-e, ukkag‘ar-e, yoril-e! 
Ilg‘or terimchilar kuyib-kuyib qoladi. 
— Uchuvchi-da shabko‘r ekan-da, — deydi. — Kelib-kelib, o‘n bir kilochiga qo‘l silkiydimi?