Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
141
— Gapir deyapman! 
— Bu churban gapirmaydi-yov, «Sokol», kel, qo‘l to‘pi o‘ynaymiz. 
«Sadist» zindon o‘ng burchini oldi. «Sokol» zindon chap burchini oldi. 
— Boshladik! 
«Sadist» iyagim ostilatib bir soldi. 
Men ketim bilan «Sokol» qoshilab gandiraklab-ganndiraklab bordim. 
«Sokol» yelkamdan qo‘shqo‘llab ushladi. O‘ziga o‘girib oldi. 
«Sokol»-da iyagim ostilatib soldi. 
Men ketim bilan dalbanglab-dalbanglab «Sadist» qo‘liga borib tushdim. 
«Sadist» tag‘in «Sokol»ga jo‘natdi. 
Men «Sadist» bilan «Sokol» oralig‘ida borib kela berdim... 
Oxiri holdan toydim. 
Aro yo‘lda o‘tirib qoldim. Joyimdan turayin, deya talpindim. 
Bo‘lmadi — o‘zimni toshdan ololmadim. 
Bo‘lmadi — chapim bilan shilq etib tushdim... 
Chap biqinim zir-zir zarb yedi. 
Zarbdan xiyol o‘zimni oldim. Ohista-ohista tevarak-boshim nazar soldim. 
Boshimda tik turmish «Sadist» bilan «Sokol»ni ko‘rdim. 
«Sadist» etigi uchi bilan tag‘in chap biqinim tepib-tepib ordi. 
Chap biqinim haminqadar zir-zir qaqshadi. 
— Ey, churban, tur! 
— Seni kim aytadi — O‘zbekiston dalalari lochini, deb! 
— Seni kim aytadi — olti million tonna paxta teradi, deb! 
9 
Askarlar suyab-suyab olib bordi. 
Askarlar himo berib-himo berib o‘tirg‘izdi. 
Ivan Ivanovich meni aylanib-aylanib qaradi. 
— Hay-hay-hay! — dedi. —Mash’al paxtakor yomon yiqilibdi-ya! Qaerda yiqilding? Ko‘zingga 
qarasang bo‘lmaydimi? 
Men mushtimni chakkamga nuqib-nuqib oldim. 
— Meni urdilar... —deya ming‘illadim. 
— Urdilar? Kim urdi? 
— Yotqizib tepdilar... 
— Yotqizib tepdilar? Kim tepdi? 
Ivan Ivanovich tugma bosib askar chaqirdi. 
— Jamoliddinov oldiga kim kirdi? — dedi Ivan Ivanovich. 
— Birov ham kirmadi! — dedi askar. 
— Ana, huzuringga birov ham kirmabdi. Nega meni aldaysan? 
— Ular ichkarida o‘tiribdilar, — dedim. 
— E, ha, ichkarida de... Ichkaridagilar ham senday bir zindonbandlar-da, Jamoliddinov. Pesning 
chekiga moxov tushadi, deydilar. Sen endi kelding, ular esa necha yildan buyon sillasi qurib yotibdi. 
O‘shalarga kuching yetmadimi? Kim aytadi seni — olti million tonna paxta tera oladigan azamat 
dehqon, deb? 
Men indamayin qoldim. 
— Xo‘sh, endi
aytarsan, Jamoliddinov?
Men miq etmadim. 

---

Tog‘ay Murod. Otamdan qolgan dalalar (roman)