Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
130
Ko‘kdagi sayyoralardek — ochil, oppog‘im, chaman, 
Kech kirib to subhidam ishtsingda ming to‘lg‘onaman... 
— Stop! 
Rejissyor shunday deya, qo‘l ko‘tardi. Egat oralab keldi. 
— Xursanday i Nargulay! — dedi rejissyor. — Sizniki paxtani sevadi? Sevadi! Sizniki sevgi bilan 
paxta teradi? Teradi! Bizniki kino qiladi! 
Rejissyor paxta terib-terib ko‘rsatdi. 
— Vot tak, vot! — deya paxta terdi. — Sizniki vot tak muhabbat bilan paxta teradi? Teradi! 
Bizniki Moskvaga bayroq qiladi! 
Gap Jingalasochda ketdi: 
— Xursandoy va Norguloy! — dedi. — Paxtani chanoqdan sug‘urib olayotganingizda g‘o‘zalarga, 
ayniqsa chanoqlarga o‘zgacha bir mehr-muhabbat bilan qarang! Axir, siz paxtani sevasiz-ku! 
Shundaymi? Paxtaga ishqingiz tushgan-ku! To‘g‘rimi? Qo‘shiqning mazmuniyam shu, nomiyam shu 
— «Paxta ishqi»! 
Rejissyor tishlari orasidan chirt-chirt tupurdi. Rejissyor papiros tutatdi. 
— Xursandoy! — dedi Jingalasoch. — Xo‘jayiningizni sevib qolganingizda qanday qilib muhabbat 
izhor qilgansiz? 
Xursandoy yer boqdi. Xursandoy og‘iz ushlab-og‘iz ushlab uyaldi. 
— Unday demang-e... — dedi. 
— Iya, unday demangi bo‘ptimi? Tasavvur qilaman: xo‘jayingizni yuzlariga sevgi to‘la 
ko‘zlaringiz bilan boqqansiz... sochlarini muhabbat bilan silagansiz... qo‘llarini o‘zgacha bir mehr-
muhabbat bilan ushlagansiz... shundaymi? Aytmayapsiz — shunday! Paxtaga ham ana shunday 
munosabatda bo‘ling! Qarang, mana bunday! 
Jingalasoch paxta terib-terib ko‘rsatdi: 
— Paxtani chanoqdan mana bunday qilib muhab-bat bilan olasiz! Keyin — kaftingizda vafo bilan 
mana bunday qilib ushlaysiz! Undan keyin — sadoqat bilan mana bunday qilib etakka solasiz! 
Jingalasoch termish paxtasini Xursandoyni etagiga tashladi. 
— Tushundingizmi? — dedi. — Nigohlaringizda muhabbat, vafo, sadoqat balqib tursin! 
Boqishlaringizda paxta ishqi barq urib tursin! 
30 
Apparatlar shir-shir surat oldi. 
Dala boshida turmish agitmashina ashula aytdi. 
Terimchilar «Paxta ishqi»ni ayta-ayta paxta terdi: 
Ko‘k ro‘moling, oq yuzing, bizlarni shaydo aylamish,
Sen bilan biz zskidan sevgi-muhabbatdek tanish. 
— Xotin-qizlar qo‘shiq aytmoqda! — dedi Jingalasoch. — Qo‘llari esa «oq oltin»da! G‘o‘zaga bir 
egiladi, bir qaddini rostlaydi! Chanoqlardan meni ol-ol, deb turgan oppoq paxtalarni o‘zgacha bir 
chiroyli hara-kat bilan chaqqongina oladi! Changlarini avaylab-gina puflab qoqadi, ko‘ziga surtgudek 
bo‘ladi! Mehr-muhabbat bilan silab-siypab, ko‘kraklariga tutilgan etakka — qalbiga soladi! Qalbi esa 
«oq oltin»ga to‘lib boradi. 
Nuqrai gul-gul jamoling, bir o‘pay, ochil, kumush!
Sen chiqib Zuhro kabi — kulsang havasga konaman... 
— Saxiy kuz oftobi baxtiyor o‘zbek xotin-qizlarining baxtiyor mehnatlarini tabassum ila yoritib 

---

Tog‘ay Murod. Otamdan qolgan dalalar (roman)