Microsoft Word togaymurod otamdan qolgan dalalar lotin ziyouz com doc

 
12
Zahar-zaqqum butifosdan o‘zga dori qurib qolib edimi? 
Butifosdan o‘zga-da barg to‘kajak dorilar mo‘l-ko‘l bo‘ldi. 
Masalan, kaltsiy tsianimid degich ziyon-zahmatsiz dori bo‘ldi. Magniy xlorat degich hid-bo‘ysiz 
dori bo‘ldi. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
118
Magniy xlorat butifosdan samarali-samarali barg to‘kadi. Magniy xlorat butifosdan avlo-avlo barg 
to‘kadi. 
Ammo magniy xlorat xom ko‘sakka ziyon beradi. 
Magniy xlorat ziyon bermish xom ko‘sak uchlari qizil bo‘lib qizil bo‘lmaydi, sariq bo‘lib sariq 
bo‘lmaydi. 
Gulobi-gulobi rang bo‘ladi! 
Gulobi ranglari boshidan qolsin — to‘rt misqol ko‘sak ikki misqol bo‘lib qoladi! Serfazilat tola 
befazilat bo‘lib qoladi! 
Magniy xlorat butifosdan arzon-da tushadi. 
Bir tonna magniy xlorat ikki yuz to‘qson so‘m turadi. 
Bir tonna butifos ikki ming ellik so‘m turadi! 
Unda, kattalar nima uchun zahar-zaqqum butifos sep, deydi? 
Butifos xom ko‘sakni omonlaydi, magniy xlorat xom ko‘sakni zavollaydi! 
Y
O
,
el-yurt, yo, kirim! 
Kattalar bot-bot ko‘sak ochilishni o‘yladi. 
Kattalar qayta-qayta paxta terilishni o‘yladi. 
Kattalar qishgachayin paxta terilishni o‘yladi! 
Y
O
,
el-yurt, yo kirim! 
Kattalar kirimni tanladi! 
13 
Odam tong saharda aroq ichsa nima bo‘ladi? 
Odam piyonista bo‘ladi. 
Dalalarim-da ana shu odam misol piyonista bo‘lib qoldi. 
Odam toltushda tamaki cheksa nima bo‘ladi? 
Odam bangi bo‘ladi. 
Dalalarim-da ana shu odam misol bangi bo‘lib qoldi. 
Odam namozshomda nasha cheksa nima bo‘ladi? 
Odam nashavand bo‘ladi. 
Dalalarim-da ana shu odam misol nashavand bo‘lib qoldi. 
Endi, ana shu og‘ular barini bir odam tanavvul etsa nima buladi? 
Odam pushti kuyib kul bo‘ladi. Odam nasl-nasabsiz bo‘ladi. 
Dalalarim-da ana shu odamday bo‘lib qoldi! 
14 
Badanda jon bor — qilmish-qidirmish bor. 
Qilmish-qidirmish bor — jinoiy modda bor. 
Odam biron imoratga ziyon bersa — falon moddaga binoan javobgarlikka tortiladi. Odam biron 
texnikaga ziyon bersa — falon modda bo‘yicha qamatiladi. Odam birovni ursa — falon moddaga 
binoan kesiladi. 
Nima uchun odam yerni zahar dorilaydi — ammo javobgarlikka tortilmaydi? 
Nima uchun odam yerni zaharlab xo‘rlaydi—ammo javobgarlikka tortilmaydi? 
Dunyoda ko‘p-ko‘p emish-emish eshitdim. Ammo yer zaharlab javobgar bo‘libdi, degich emish 
eshitmadim. 
Yer qaridi. Yer pushti kuyib zahar-zaqqum bo‘ldi. Yer ko‘ksi kuyib kul bo‘ldi —er taqdir 
peshonasidan ko‘rib yota berdi. 

---

Tog‘ay Murod. Otamdan qolgan dalalar (roman)