Microsoft Word togaymurod otamdan qolgan dalalar lotin ziyouz com doc

16 
Tag‘in kun sanayman. 
Tag‘in barmoqlarim taqchil bo‘lib qoladi. Tag‘in kaftlarim barmoqlarim bilan to‘lib qoladi. 
17 
Tunlardan bir tun tashqarida tapur-tupur bo‘ladi. 
Amrlar eshitiladi: 
— Qimirlama, otaman! 
— Qaddingni ko‘tar! 
— Qo‘lingni ber! 
— Tipirchilama! 
Shunda, otamiz ovozi-da keladi: 
— Rashid aytdi-ya, shu kecha uyingga borma, dedi-ya! Rashidni gapini olmadim-a, ay, attang-a! 
Onamiz otilib tashqarilaydi. Ovoz berib yig‘laydi. 
— Ey, mocha! — deydi birov. — O‘chir, bo‘lmasa seniyam boylaymiz! 
Haminqadar tala-to‘p bo‘ladi. Haminqadar do‘q-zug‘um bo‘ladi. 
Tashqari birdan yorishadi. 
Men ana shunda tashqarilayman. 
Tashqarida qo‘sha fonus yonadi. 
Qo‘llari qullig‘lik otamiz supada yotadi. Bet-boshi qon otamiz g‘ujanak yotadi. 
— Uspenskiy, Poltoratskiy! Otni olib kelinglar! — deydi birov. 
Bir fonuslik chopqillaydi. Ko‘chadan ot yetaklab keladi. Supa oldida bel qiladi. 
Amr etuvchi otamiz bo‘ynidan egar qoshiga arqonlaydi. 
— Hayda! — deydi. Ot ko‘cha yo‘l oladi. 
Otamiz ot ketidan oyoq tirab-tirab odimlaydi. O‘zini ketiga tashlab-tashlab odimlaydi. 
Devor suyanib turmish onamiz tag‘in ovoz berib yig‘laydi. 
— Ey, mocha churka, men senga o‘chir deyapman! — deydi Uspenskiy. 
Onamiz dami ichiga tushib ketadi. 
— Chanishev! — deydi otamiz. — Manavi cho‘chqalaringga ayt, poshikasta-zaifalarni 
undaychikin so‘kmaydilar! 
— So‘kayotganim yo‘q, — dedi Uspenskiy. — Mochani mocha deydi-da. Sen hangi churka, 
zaifang mocha churka! Yurting — Churkiston! 
— Unday dema! Turkiston de, Turkiston! Men O‘rusiyangni Cho‘chqaiston deyotganim yo‘q! 
— O‘zi, Turkiston nomi nimadan olib aytiladi, Poltoratskiy? 
— Turk so‘zidan olib aytiladi. Turkiylar makoni, degan mazmun beradi. 
— Ha-a. Seya churka tuzemets o‘zingni buyuk turkiylar deb bilasanmi? Buyuk turkiylar... Buyuk 
Turkiston... Sassiq churkalar! Sassiq Churkiston! Ana, sen kimsan! 
— O‘zi bir churka tuzemets bo‘lsa, Turkiston, turkiylar degan po‘rim-po‘rim gaplarni qaerdan 
biladi, Kolesov? 
— Anavi Hisor taraflarda turk ofitserlari itday izg‘ib yuribdi. Ana o‘shalar o‘rgatayapti. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
21
— Anvar poshoni asfalasofilinga jo‘natganimizga o‘n ikki yil bo‘ldi-yu? 
— Qalang‘i-qasang‘ilari hamon daydib yuribdi.
Onamiz otamiz ketidan ergashib boradi. Hiq-hiq etib boradi. 
Men onamiz ketidan ergashib boraman. Ing-ing etib boraman. 
Oldinma-ketin katta yo‘llab kelamiz. 
Katta yo‘lda tag‘in ikkita otliq bo‘ladi. 
Qizillar ana shu manzilda oyoq iladi.