Microsoft Word togaymurod otamdan qolgan dalalar lotin ziyouz com doc

 
MEN
 
Men Surxondaryo viloyati, Denov tumani, Xo‘jasoat qishlog‘ida dunyoni ko‘rdim. 
Shu qishloqda katta bo‘ldim. Shu qishloqda o‘rta maktabni bitirdim. 
Maktabda hikoyalar mashq etdim. 
Toshkent Davlat Dorilfununi Jurnalistika fakultetini tamomladim. 
Dorilfununda hikoyalar mashq etdim. 
Jumhuriyat radiosida to‘rt yil muharrir bo‘lib ishladim. 
Qizil Armiya saflarida harbiy xizmat qildim. 
Ikki yil «O‘zbekiston fizkulturachisi» gazetasida tarjimon bo‘ldim. 
«Fan va turmush» jurnalida ikki yil muharrir bo‘lib ishladim. 
Moskvadagi Jahon Adabiyoti institutida o‘qib keldim. 
Men o‘rta maktabni bitirib, shunday niyat etdim: o‘ttiz-o‘ttiz besh yoshlargacha uylanmayman, 
oila qurmayman, biror idorada faqat tirikchilik uchun ishlayman. 
Men faqat bir maqsadni ko‘zladim: o‘ttiz-o‘ttiz besh yoshlargacha jahon adabiyotini o‘qish. Faqat 
o‘qish, o‘qish, o‘qish, qo‘l qotib olmasin uchun mayda-mayda hikoyalar mashq etib turish. 
Men shu niyat yo‘lida imorat solmadim, mashina olmadim, mansab egallamadim, shon-shuhrat 
qizg‘anmadim. 
Men dunyo talashmadim! 
Faqat izlandim, faqat o‘qidim. 
G‘animlarim meni ishdan haydadilar. 
Kurashda bir tabiat qonuni bor: polvon davrada mag‘lub bo‘lsa, taqdirga tan berib ketmaydi. 
Yo‘q, polvon o‘zini boqadi. Polvon o‘zini parvarishlaydi. Polvon tinimsiz mashq oladi. Raqibidan 
mag‘lubiyat alamini olish uchun shaylanadi. Raqibidan alamini olmasdan-da qo‘ymaydi. 
Men go‘dakligimdan davralarda kurashib katta bo‘ldim. Polvonlik ajdodimda bor, polvonlik 
qonimda bor. 
Menda ana shu polvonlik qonim qo‘zg‘aldi. 

---

Tog‘ay Murod. Otamdan qolgan dalalar (roman)