Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
113
Men beshiktebratgichda osilib turmish ko‘ztumor bilan to‘qqizko‘z munchoqni uzib-uzib oldim. 
Ko‘ztumor bilan to‘qqizko‘z munchoqni-da beshikyopg‘ich soldim. 
Beshikyopg‘ichni o‘rab-o‘rab beshik joyladim. 
Beshik kunda ochilib-ochilib qoldi. 
Shunda, beshikdagi sonsiz jimjimalarga ko‘zim tushdi. 
Ko‘zlarim kunda qamashdi. 
Beshik gullari bo‘lsa bordir, deya o‘yladim. 
Tikilibroq-tikilibroq qaradim. 
Beshikdagi jimjimalar bir arabi husnixat bo‘lib ko‘rindi, bir jimjimador gullar bo‘lib ko‘rindi. 
Beshikda bundaychikin ohangjamolar yo‘q edi — qaerdan bino bo‘ldi? 
Shu vaqt onamiz hujrasidan tashqariladi. Kaftini peshonasi soyabonladi. Kun qaradi. Kun vaqtini 
bilmoq bo‘ldi. 
Shunda, meni ko‘rdi. 
— Beshikni nimaga tomga olib chiqding, yerchilim bo‘lgur? — dedi. 
Men miq etmadim. 
Onamiz kaftini peshonasi soyabonlab qarashini qo‘ymadi. 
Men aytmasam bo‘lmadi: 
— Endi beshik nima kerak... — dedim. 
— Nimaga beshik kerak emas? 
— Endi... bo‘ldi, — dedim. Beshik bo‘ldi... 
— Shu gapingga noma’qulni nonini yebsan! Olib tush pastga! 
— Endi... beshikni kim tebratadi? 
— Bolalarimni mayda enasi ketgan bo‘lsa, mana, katta enasi bor! Mana men — momosi bor! Olib 
tush — o‘zim beshik tebrataman! Allalab-allalab beshik tebrataman! 
— Mayli, olib tushaman, bora bering, olib tushaman. 
Men beshiktebratgichdagi jimjimalar tikildim. Jimjimalar nima bilan bitilmish bo‘ldi, dedim. 
Shahodat barmog‘im uchini ho‘llab-ho‘llab artib ko‘rdim. 
Bir jimjima ko‘kara-ko‘kara yoyildi. Bildim — jimjimalar ko‘kqalam bilan bitilmish bo‘ldi. 
Qosh-ko‘z bo‘yagich ko‘kqalam bo‘lsa bordir? 
24 
Ayolimiz beshikka bag‘ir berdi. Bolasiga ko‘krak berdi. 
Bolasi cho‘lp-cho‘lp emdi. 
Ayolimiz bolasi boshidan maydagina oyna oldi, to‘mtoqqina qalam oldi. 
Oynani beshik uzra tutdi. Labi bilan qalam uchini ho‘lladi. 
Ayolimiz qoshiga qalam surtdi. Bir u qoshiga surtdi, bir bu qoshiga surtdi. 
Beshikdagi bolasi miq-miq emdi. Ayolimiz turayin dedi — beshikdagi bolasi ko‘kragini 
qo‘ybermadi. 
Ayolimiz beshik mixlanib-beshik mixlanib qoldi. Ayolimiz peshonasili bilaklari qo‘ydi. Ayolimiz 
bilaklarini, beshiktebratgich qo‘ydi. 
Ayolimiz beshiktebratgich bitdi: 
«O‘-o‘y, ichim kuyayapti, ichim yonayapti». 
«Ichimda bir nima qimirlayapti». 
«O‘-o‘y, boshim aylanayapti». 
«Dunyo ko‘zimga qirmiz-qirmiz bo‘lib ko‘rinayapti». 
«Qirmiz-qirmiz... dumaloq-dumaloq»... 
«O‘-o‘y, ertaga daladan javob bersa bo‘lmaydimi?». 

---

Tog‘ay Murod. Otamdan qolgan dalalar (roman)