Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
115
Bellik pastlamish sayin bitiklar qing‘ir-qiyshiq bo‘lib bordi. 
«O‘-o‘y, Temirov agronomni ayollari Samarqandga borib kelibdi». 
«Hay bir madrasalar, hay bir machitlar bor emish». 
«Madrasalar baland-baland emish, qarab bo‘lmas emish». 
«Qarayin, degichlarni ro‘moli boshidan tushib ketar emish». 
«Ro‘molim boshimdan tushib ketsin degichlar madrasa balandiga qarasin emish». 
«Temirov agronomni ayoli qarayin desa, ro‘moli boshidan tushib ketibdi». 
«Ro‘moli suvga uchib borib tushibdi». «Shunda-da bilmabdi». 
«Bir odam, ay xola, ro‘molingiz suvga tushib ketdi, debdi». 
Shundagina boshida ro‘moli yo‘qligini bilibdi». 
«Voy, debdi-da, boshini qo‘llari bilan yashiribdi».
«Meniyam ro‘molim suvga tushib ketsa ekan...» 
«Madrasa poyida ro‘molim birovgina... birovgina boshimdan uchib tushsa ekan»... 
Tagtaxtadagi bitiklar mayda-mayda bo‘ldi. Chumoli iz-chumoli iz bo‘ldi. 
«O‘-o‘y, bolalarni nafaqasini yo‘qlab kelsa bo‘lmaydimi?» 
«Qodir — 4 so‘m turadi. Hanifa — 6 so‘m turadi. Halima — 7 so‘m 50 tiyin turadi». 
«Ayol boshim bilan ikki marta bordim». 
«Bir so‘radim — pul yo‘q dedi, ikki so‘radim — pul yo‘q, dedi». 
«So‘g‘in — bormadim ham, so‘ramadim ham». 
«Odamga bet ham kerak-da». 
«Bu kishi bo‘lsa, nafaqani sen so‘ra — sen enasisan», deydi». 
«Shu 4 so‘mni so‘ragani betim chidamaydi, deydi». 
«Erkak bo‘p turib, bu kishini beti chidamaganda, ayol boshim bilan meni betim chidaydimi?» 
«Ayolga-da bet kerak». 
«Bu kishi aytadi — o‘ninchi bolaga 12 so‘m 50 tiyin nafaqa beradi, deydi». 
«Bu kishi aytadi — o‘ninchi boladan keyin boraman, deydi». 
«Bu kishi aytadi — 12 so‘m nafaqa ber, deyishga til boradi deydi, bet chidaydi, deydi». 
«Men o‘ninchi bolani qaerdan olaman?». 
«Bola besh yosh bo‘lsa — shuniyam bermaydi, emish». 
«Unda... bola besh yoshdan keyin nima yeydi?» 
Tagtaxta adog‘idagi besh-oltita bitikni o‘qib bo‘lmadi. 
Ayolimiz adoq bitiklarni bitayotib ko‘zi ketdimikin? Y
O
,
kenjamiz ayolimiz ko‘kragini yomon-
yomon tortdimikin?... 
Tag-tamal bitiklarni o‘qib bo‘ldi: 
«Dunyoga kelib nima ko‘rdim?» 
«Beshik ko‘rdim». 
«Dunyo ko‘rib neni ko‘rdim?» «G‘o‘za ko‘rdim, paxta ko‘rdim». «Kun ko‘rdim — g‘o‘za 
ko‘rdim». «Tun ko‘rdim — beshik ko‘rdim». «Beshik mozorim bo‘ldi, dala mozoristonim bo‘ldi».