Microsoft Word togaymurod otamdan qolgan dalalar lotin ziyouz com doc

 
38
Bechirindi go‘ng—besamar go‘ng. Bechirindi go‘ng — beoqibat go‘ng. 
Bechirindi go‘ng begona o‘t uyi bo‘ladi. Bechirindi go‘ng turli-tuman dard ini bo‘ladi. 
Men fermadan bermish bechirindi go‘ngni olmadim. 
Ko‘cha-ko‘ydan bo‘lsa-da, chirindi go‘ng topib keldim. 
Pilla qo‘yuvchilar uyidan ipakg‘umbak olib keldim. 
Tovuq fermadan parrandatezak olib keldim. 
Barini o‘qariq boshi hovuz soldim. Ustidan suv to‘ldirdim. 
Hovuzni kuraklab-kuraklab kovladim. Azonda bir kovladim. Tushda bir kovladim. Shomda bir 
kovladim. 
Ikki kun ana shunday hovuz kovladim. 
Uchinchi kun hovuz boshidan bir ariq oldim, hovuz adog‘idan bir ariq oldim. 
Hovuzboshi ariqdan suv haydab keldim. 
Hovuz suv bilan labolab-labolab to‘ldi. 
Suv hovuzda sharbat bo‘lib adoq ariqladi. 
Suv ariqda sharbat bo‘lib o‘qariqladi. 
Suv o‘qariqda sharbat bo‘lib dalaladi. 
Dalalarimda shira-sharbat suv oqdi. 
Shira-sharbat suv g‘o‘zalarimni gul tashlashdan omon-omonladi. 
Sharbat suv — shakar suv bo‘ldi! 
39 
Ko‘saklarim bo‘zboladay-bo‘zboladay to‘lisha berdi. 
Men bot-bot suv qo‘ya berdim. 
Suv kanda bo‘lsa — ko‘sak o‘z kunidan oldin ochiladi. 
Suv arisa — hosil tosh beg‘oz bo‘ladi. Hosil befazilat bo‘ladi. 
Chala bino bo‘lmish chaqaloq qanday bo‘ladi? Ko‘sak-da shunday-da! 
 
40
G‘o‘zalarimga ko‘sakqurt tushdi. 
Ko‘sakqurt sodda-mug‘ambir bo‘ladi! 
Ko‘sakqurt kunduz kun nam tuproq orasini makon etadi. G‘o‘zatana ostini makon etadi. Shonabarg 
orasini makon etadi. 
Ko‘sakqurt kushandasi chumchuq bo‘ladi! 
Chumchuq tunda uchmaydi. Chumchuq tunda tolshoxda uxlaydi. 
Chumchuq kunduzda uchadi. Chumchuq kunduzda ko‘sak-qurt terib yeydi. 
Ko‘sakqurt ana shuni biladi! 
Shu bois, ko‘sakqurt makonidan tunda tashqarilaydi. 
Ko‘sakqurt boldan-bol taom bo‘lsa-da, qayrilib boqmaydi. Faqat ko‘sak izlab o‘rmalaydi. Faqat 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
92
ko‘sak topib o‘rmalaydi. 
Ko‘sakqurt ko‘sak teshadi. Ko‘sakqurt ko‘sak g‘ovak etadi. 
Ko‘sakqurt ana shu g‘ovakdan ichkari kirib oladi. Ichkarida suv-suv chigit kemiradi. Ichkarida 
muloyim-muloyim chigit kemiradi. 
Bir ko‘sakqurt yigirmata ko‘sak nobudlaydi. Yigirmata ko‘sak o‘n ikki-o‘n besh foiz hosil, 
demakdir. 
Mug‘ambirdan-mug‘ambir ko‘sakqurt unday-bunday doridan o‘lmaydi. 
Shu bois, dalalarimga metilmerkaptofos dori berdim. 
Men bilgich dorilar orasida sassiqdan-sassig‘i ana shu metilmerkaptofos bo‘ldi! 
Dalalarimni qo‘lansa-qo‘lansa is oldi. 
Men ikki kun tuz totayin dedim — totolmadim. 
Tomog‘imdan tuz tugul, suv o‘tmadi. 
Qaytanga — ichimda bori-da tomog‘imga qaytib-qaytib kela berdi.