Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
86
bo‘lmish bolaginalarimni onaginasi», — deya ko‘nglim iydi. 
Shunda, yag‘rinlarim ayolimiz tafti nafasini tuydi. 
— O‘-o‘y? — dedi ayolimiz. — O‘-o‘y?.. Ayolimiz qapishib-qapishib keldi. Men o‘zimni 
uxlamish oldim. 
— Birday shunday etadi, — deya yorildi ayolimiz. — Dardimnn aytayin deyman, chappa burilib 
yotib oladi... 
— Nima darding bor, ayta ber. 
— O‘-o‘y, ayollar Xo‘jai Obigarmga tomoshaga borayapti ekan. 
— Ha-a. 
— Bari erkagi bilan borayapti ekan. 
— Ha-a. 
— Xo‘janov muallim ayoli bilan bosh bo‘lyapti ekan. 
— Ha-a. 
— Bir hafta yotib kelar ekan. 
— Bir hafta? Paxta nima bo‘ladi?
Ayolimiz aytib-aytib yig‘ladi: 
— Shunday deyishini bilib edim. Men bechora ishni ostida chirib ketaman... 
— Endi, sen o‘zingni Xo‘janovni ayoliga teng etma-da. Xo‘janov muallim, ayoli magazin mudir. 
Ularda biryog‘i pul katta, biryog‘i dam olish kuni degan gaplari bor. Sen bilan bizda nima bor? Na pul 
bor, na dam olish kun bor, o‘z otimiz o‘zimiz bilan kolxozmiz. 
— Men bechora ishni ostida o‘lab ketaman... 
19 
Chilla lovulladi! 
Kun buk bo‘ldi. 
Kun dim bo‘ldi. 
Qilt etmish shabada esmadi. 
G‘o‘zabop-g‘o‘zabop havo bo‘ldi. 
 
20 
Dala yuzasida ko‘z bilan ko‘rib bo‘lmas zax bo‘ladi. 
Dala yuzasida qo‘l bilan ushlab bo‘lmas nam bo‘ladi. 
Ana shu zax g‘o‘zani ushlab-ushlab turadi. 
Ana shu nam g‘o‘zani tortib-tortib turadi. 
 
21
Chilla ana shu yuza zaxni yer ostilatib-er ostilatib cho‘ktirdi. 
Chilla ana shu yuza namni yer ostilatib-er ostilatib endirdi. 
Chilla yer g‘o‘za ostidan ko‘tardi. 
Chilla quyosh g‘o‘za uchidan tortdi. 
G‘o‘za gur-gur o‘sdi. 
 
22
Yer hansiradi. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
87
G‘o‘zalarim bargi och-och yashil tuslana berdi. 
G‘o‘zalarim bargi qo‘ng‘ir-qo‘ng‘ir dog‘ bo‘la berdi. 
G‘o‘zalarim bargi burishib-burishib qola berdi. 
G‘o‘zalarim ochqadi! 
Men ro‘zalarimga bosib-bosib azot berdim. 
Men g‘o‘zalarimga bosib-bosib fosfor berdim. 
Men g‘o‘zalarimga boeib-bosib kaliy berdim.