Microsoft Word togaymurod otamdan qolgan dalalar lotin ziyouz com doc

19 
Men peshonamni tizzam qo‘ydim. Entikib nafas oldim. 
Qahrimdan qaytdim. Hovurimdan tushdim. 
20
Ichkaridan katta do‘xtir tashqarilab keldi. 
Men bir vaqtlar yaxshilik ko‘rdim — shu odamdan ko‘rdim. Yaxshi gap eshitdim—shu odamdan 
eshitdim. 
Shu bois — lik etib joyimdan turdim. Qo‘llarimni qovushtirib turdim. 
Katta do‘xtir yelkamga kaft qo‘ydi. Meni joyimga o‘tirg‘izdi. 
O‘zi-da — qabatim o‘tirdi. Qo‘lini qo‘lim qo‘ydi. 
Do‘xtir — do‘xtirday diltang-diltang bo‘lib o‘tirdi. 
O‘tirdi-o‘tirdi — qayg‘udosh hamroz bo‘ldi: 
— Dehqonqul, —dedi. —Tag‘in, mendan o‘pka-ginador bo‘lma. Men bir faqir do‘xtirman. Endi... 
kasalingni olib ketadigan bo‘lding. 
— Ayolimiznimi? Qayoqqa olib ketaman? 
— Bilmasam, qayoqqa olib ketasan. 
— Y
O
,
tuzalib qoldimi? 
— Qayoqda tuzaladi, endi keldi-yu... 
— Unda, qayoqqa olib boraman? 
— O‘zing bilasan. Biz birinchi yordamni ko‘rsatib bo‘ldik. Endi, kasalni davolash kerak. Biz 
davolay olmaymiz. Bizning kasalxonamiz kuyganlarni davolamaydi. 
— Kuyganlarni qaerda davolaydi? 
— Kuyganlar uchun alohida kasalxonalar bor. 
Toshkentda bor. Moskvada bor, yaqin yo‘l desang, Dushanbadayam bor. Kasalingni olib ket, biz 
boshqa saqlab turolmaymiz. Faqat, tezroq olib ket, bo‘lmasa, kech bo‘ladi... 
— Eb-e, u nima deganingiz? Qayoqqa olib ketaman? Qanday olib ketaman? 
— Bilmadim, Dehqonqul, bilmadim. 
— Buyog‘i ura-ura paxta vaqti bo‘lsa. Paxta nima bo‘ladi? O‘zi, bu kimdan chiqqan ahmoqlik? 
— Uyog‘ini kattalardan so‘raysan. Men bir do‘xtirman. 
— Qani o‘sha... kattalar?
Zabt bilan ichkari jo‘nadim. 
Katta do‘xtir qo‘rqib qoldi. Ko‘zlari katta-katta bo‘ldi. Belimdan qo‘shqo‘llab quchoqlab oldi. 
— Hay, Dehqonqul, hay! — dedi. — Esingni yig‘! Baraka top, o‘tir! 

---

Tog‘ay Murod. Otamdan qolgan dalalar (roman)