Microsoft Word sajdai sahv ziyouz com doc

16-masala. Namozxon “Fotiha”ni ta’xir qilib, suradan keyin o‘qisa, sujudi sahv 

qilmoq unga vojibdir.

 

 

Ya’ni avval “Fotiha”ni o‘qimay, unutgan holda sura o‘qisa yo suraning ba’zi bir qismini 

o‘qisa, bu suratda yodiga tushgandan so‘ng “Fotiha”ni o‘qiydi, yana qaytib zammi sura 

qiladi va sujudi sahv qilmoq unga lozimdir. 

 

17-masala. Namozxon “Fotiha”ni o‘qib qaysi surani zam qilsam, deb tafakkur 

qilsa, agar bir rukn miqdoricha tafakkur qilgan bo‘lsa, sujudi sahv qilmoq unga 

vojibdir.

 

 

Ruknning miqdori yettinchi masalada o‘tdi. 

 

18-masala. Imom maxfiy namozlarda namoz joiz bo‘ladigan miqdordagi oyatni 

baland qiroat qilsa yo jahriy namozlarda namoz joiz bo‘ladigan miqdordagi 

oyatni past qiroat qilsa, sujudi sahv qilmoq unga vojibdir.

 

 

Shuningdek, imom “Taroveh”da va “Taroveh”dan keyingi vitr namozida (faqat ramazoni 

sharifda tavorus jihatidan) namoz joiz bo‘ladigan miqdordagi oyatni past qiroat qilsa, 

---

Sajdai sahv risolasi. Hoji Ahmadjon Maxdum Hanafiy Naqshbandiy 

 

 

www.ziyouz.com

 kutubxonasi 

12

sujudi sahv qilmoq unga vojibdir. Namoz joiz bo‘ladigan miqdordagi qiroat Imom A’zam 

rahimahulloh nazdlarida bir oyat va Imomayn (Imom Muhammad va Imom Abu Yusuf) 

rahimahumalloh nazdlarida esa, (“Kavsar” surasi kabi) uch qisqa yoki (“Oyatul kursiy”ga 

o‘xshash) bir uzun oyatdir. 

 

Bas, Imom A’zam rahimahulloh nazdlarida, imom jahriy namozda unutgan holda past 

“Alhamdu lillohi” desa yo maxfiy namozda unutgan holda baland “Alhamdu lillohi” desa, 

sujudi sahv qilmoq unga vojibdir. Imomayn rahimahumalloh nazdlarida har ikki holatda 

ham imom unutgan holda “Alhamdu lillohi rabbil olaminar rahmonir rahimi” desa, sujudi 

sahv qilmoq unga vojibdir.