Microsoft Word rizyozus solihiyn ziyouz com doc

«Albatta, mana shu Mening To‘g‘ri Yo‘limdir. Bas, shu yo‘lga ergashinglar! 
(Boshqa)  yo‘llarga ergashmangizki, ular sizlarni Uning yo‘lidan uzib qo‘yar» 
(An’om surasi, 153-oyat); 
«Ayting (ey Muhammad):  «Agar Allohni sevsangiz, menga ergashinglar. 
Shunda Alloh sizlarni sevadi va 
gunohlaringizni mag‘firat qiladi» (Oli-Imron surasi, 31-oyat), deb aytgan. 
169/1. Oishadan (r.a.) rivoyat qilinadi. Rasululloh (s.a.v.)  «Kimki bizning ishimizda 
dindan bo‘lmagan biror yangilik qilsa, bas, u rad qilingandir», dedilar. Imom Buxoriy va 
Muslim rivoyatlari. 
Muslimning rivoyatlarida: «Kimki bizning ishimiz bo‘lmagan biror amalni bajarsa, bas, 
u rad qilingandir», deb keltirilgan. 
170/2. Jobirdan (r.a.) rivoyat qilinadi. Rasululloh (s.a.v.) agar xutba qilsalar, ikki 
ko‘zlari qizarib, ovozlari balandlashib, g‘azablari yana ham kuchayib, go‘yoki tongda va 
kechqurun (dushman) askarlari hamla qilishidan ogoh etgandek bo‘lardilar. Va u zot: 
«Men va Qiyomat mana bunday yuborildim», deb ko‘rsatgich va o‘rta barmoqlarini (bir-
biriga) yaqin qilardilar. Va yana u zot: «Ammo ba’d, so‘zning yaxshisi Allohning kitobi, 
hidoyatlarning yaxshisi Muhammad (s.a.v.) hidoyatlari, ishlarning yomoni har bir yangi 
paydo bo‘lgan (bid’at) ishdir. Har bir bid’at zalolatdir», dedilar. So‘ngra yana: «Men 
mo‘minlarga o‘z nafsidan ham haqliroqman. Kim mol-dunyo qoldirsa, unga ahli 
haqliroqdir. Kim qarz yoki oila va bolalarini qoldirsa, (ularning mas’uliyati) menga va 
mening gardanimga», dedilar. Imom Muslim rivoyatlari. 
171/3. Ibroz ibn Soriyadan rivoyat qilingan 157-raqamli hadis ham bu bobga dalil 
qilinadi.