Microsoft Word quran uz ziyouz com doc

123. Ey mo‘minlar, yonlaringizdagi kofirlarga qarshi jang qilinglar va ular 

sizlardagi kuch-quvvatni ko‘rsinlar! Bilinglarki, albatta Alloh taqvodorlar bilan 

birgadir.  

 

124. Qachon biron sura nozil qilinsa, ulardan (ya’ni, munofiqlardan) bo‘lgan 

kimsalar (masxara qilishib): «Qani, bu sura qaysi birlaringizning 

iymonlaringizni ziyoda qildi?» deyishadi. Bas, u (sura) iymon keltirgan 

zotlarning iymonlarini albatta ziyoda qilur va ular shod-xurram bo‘lurlar.  

 

125. Ammo dillarida maraz bo‘lgan kimsalarni esa dinsizliklariga yana dinsizlik 

qo‘shur va ular kofir hollarida o‘lurlar.  

 

126. Ko‘rmaydilarmiki, ular har yili bir-ikki marta baloga – fitnalarga 

yo‘liqmoqdalar. Shundan keyin ham na tavba qiladilar va na pand-nasihat