Microsoft Word pc 3 ziyonet doc

Керакли асбоб ва қурилмалар:

• 
  “Плюс”ли “отвёртка”
  
• 
  Компютер корпуси (Case)
  
• 
  “Блок питания” (агар корпусни ўзида бўлмаса)
  
• 
  Она плата (Mother board)
  
• 
  Процессор (CPU)
  
• 
  Видео карта (она платага бириктирилган ҳам бўлиши мумкин) – тасвирни мониторга етказиб бериш учун ишлатилади.
  
• 
  Тезкор хотира – Оператив хотира (ОЗУ, RAM)
  
• 
  Қаттиқ диск (HDD)
  
• 
  Тармоқ картаси (агар компьютер тармоқга уланадиган бўлса ва ички тармоқ картаси бўлмаса)
  
• 
  Клавиатура
  
• 
  Сичқонча
  
• 
  Монитор
  
• 
  Пилот
  
• 
  Операцион тизим (Windows, Linux,…) ва керакли дастурлар (MS Office, Open office…)
  

Диққат! Компютер йиғиш вақтида электр ускуналар билан ишлаш қўлланмаларига амал қилинг.
Компютер йиғишда бир нарсани эсда тутингки, замонавий компютер қурилмаларини, ҳох бу она плата, ҳох қаттиқ диск бўлсин бир-бирига нотўғри тарзда улаб қўйишни иложиси йўқ. Яъни, ҳар бир қурилмани жойлаштирувчи “калити” бўлади. Уни бошқачасига куч ишлатмасдан умуман улаб ёки жойлаштириб бўлмайди.
Компьютерни танлаш:
Компютер қандай вазифани бажаришини аниқлаштириб олинг. Уни нарҳи компютер қандай вазифани бажаришлигига тўғридан-тўғри боғлиқ. Word, Excel ва шунга ўхшаш офисда ишлатиладиган дастурлари билан арзон “офис компютери” ҳам қийналмасдан ишлай олади. Турли хил оғир дастурлар, график дастурлар билан ишлаш учун эса кучли компютер йиғиш керак бўлади. Албатта, уни нарҳи ҳам қиммат бўлади.
Бўлажак компютерга қурилмаларни харид қилишда сотувчидан бу қурилмалар бир-бирига “совместимoй” яни мос келишини олдиндан аниқлаштириб олинг. Барча қурилмалар, энг аввало, компютерни корпуси ва она плата билан мос келадиган бўлиши керак.
Компютер йиғиш қўлланмаси:
1. Компютерни йиғишга иложи борича кенгроқ жой топинг. Сабаби қурилмаларни бир-бирини устига қўймаслик лозим, ҳамда уларни ерга тушиб кетиш хавфидан холи бўлади. Бўш жой ва отверткани тайёрланг.
2. Йиғиш жараёнини корпусдан бошлаймиз. Уни ён қопқоғини (баъзи корпусларни қопқоғи корпусни тўлиқ қоплаган бўлади) очинг. Шунда, корпусни ичидаги бўш жой очилади.


3. Корпусга керакли қурилмаларни жойлаш учун уни ёнламачасига жойлаштиринг.
4. Она платани қутисини очинг. Компютерни барча қурилмалари она платага уланади. Она платани корпусни ичига шундай жойлаштирингки, унинг бир учидаги “разём”лар корпусни орқа тарафидаги катта очиқ жойга тўғри келсин. Корпусдаги бу очиқ жой айнан она платани разёмлари корпусдан ташқи томонга чиқиб туриши учун мўлжалланган.

5. Корпуснинг майда шурупларидан фойдаланиб, она платани корпусга маҳкамланг. Она платани корпусга тўғри жойлаштирган ҳолатда, уни маҳкамлаш учун мўлжалланган тешикчалари корпусни тешикчаларига тўғри келади.

6. Она платадаги Процессор сокетини ҳимоя қопқоғини олиб ташланг. Сокетдаги “ричаг”ни кўтаринг ва маҳкамлаш “пластинаси”ни очинг. Процессорни қутисидан эҳтиёткорлик билан олинг, бунда Процессорни фақат ёнларидан ушланг, ундаги контактларга қўл теккизманг! Процесорни она платадаги сокетга тўғри вертикал тарзда жойлаштиринг.

Процессор бурчакларидан бирида чизилган сариқ чизиқчага ва сокетдаги чизиқчаларга эътибор беринг. Бу чизиқчалар процессорни сокетга қай тарафдан жойлаштириш кераклигини кўрсатади.

Бундан ташқари, Процессорни ён тарафларида чуқурчалар сокетда эса бўртиб чиқган дўнгликлар мавжуд. Бу ўша боя айтиб ўтган Процессорни “калит”и ҳисобланади. Процессорни сокетга жойлаштиринг. Маҳкамлаш “пластинаси”ни ёпинг ва “ричаг”ни жойига туширинг.

7. Энди эса, Процессорни устига кулер (вентилятор)ни маҳкамлаб жойлаштириш керак. Процессор сокетини атрофидаги 4 та тешикларга эътибор беринг.  Кулерда ҳам 4та “оёқ” борлигини кўрасиз. Кулерни Процессорни устига шундай жойлаштирингки, унинг оёқлари она платадаги шу тешикчаларга кирсин. Кейин уларни кетма-кет секин босиб чиқилади. Ҳар бир оёқчани босиб киргазилганда овоз эшитасиз.

Кулерни яхшилаб жойлашганлигига, эътибор беринг. Уни бир икки қимирлатиб кўринг. Кулер Процессорни устида маҳкам туриши ва уларни орасида ҳеч қандай “зазор” бўлмаслиги керак. Энди эса кулердан чиққан симни она платадаги CPU-FAN даб номланган “разъём”га уланади.

8. Энди она платага тезкор хотира (RAM)ни жойлаштирамиз. Тезкор хотирани ҳам фақат ёнларидан эхтиёткорлик билан ушлаш лозим. Она платада хотира учун 2,3,4 ёки ундан ҳам кўп слот (гнездо) бўлиши мумкин. Хотирани энг биринчи “гнездо” (Процессорга энг яқини) га улаймиз.  Аввал хотира жойлашадиган гнездодаги икки оқ рангли ушлагичларни орқа томонга итариб очамиз. Хотирани она платага кирадиган паст тарафига эътибор у бир нечта бўлимларга бўлинганлигини кўрасиз. Она платадаги хотира “гнездо”си ҳам бўлимларга бўлинган. Демакки, хотирани нотўғри киргазиб бўлмайди. Хотирани икки тарафидан “гнездо”га ўрта кучда киргазилса ён томондаги иккита ушлагичлар хотирани устидан “ушлаб” олган ҳолатга келади.

9. Энди компютер корпусига “блок питания”ни жойлаштирамиз.

10. Корпусни орқа томонидан унга “блок питания”ни шуруплар ёрдамида маҳкамлаймиз.

11. Энди “блок питания”дан чиқган, она плата ва Процессорга ток берувчи симларни (24 ва 4 “пин”лик), она платадан улаймиз.

12. Корпусга қаттиқ дискни жойлаштирамиз ва шуруплар билан корпусга махкамлаймиз.

13. Қатитқ дискга иккита сим улаймиз. Бири “блок питания”дан чиққан ток берувчи сим, иккинчиси (кўп ҳолларда кўк ёки қизил рангли) она платанинг SATA-портига уланадиган, маълумот алмашинуви учун ишлатиладиган сим. Бу ерда, “блок питания”дан чиққан ток берувчи SATA-симини улашда эътиборли бўлинг. Уни ҳам ўз “калити” мавжуд. Коннекторга яхшилаб қаралса, у ўгирилган “г” харфини эслатади. Қаттиқ дискдаги порт ҳам худди шу шаклда. Агар коннектор қийшиқ уланса иш пайтида қисқа туташув (замикания) бўлиб, қаттиқ диск ишдан чиқиши мумкин.

14. Корпусни олди қисмидан қопқоғини очиб, уни ўрнига DVD ROM ёки DVD RW (ODD-Optik disk drive) қурилмасини ўрнатамиз.

15. ODD ни корпусга шуруплар ёрдамида маҳкамлаймиз.

16. Корпусни ички қисмидан ODD ни она платага улаймиз. Унга ҳам худди қаттиқ дискга ўхшаб иккита шнур уланади. Бири SATA, иккинчиси “блок питания” шнури. Худди шу тарзда, компютерга яна бошқа қаттиқ диск ёки ODD қурилмасини улаш мумкин.

17. Корпуснинг олдинги панелига тегишли бўлган майда симчаларни, она платадаги ўз махсус “разём”ларига улаймиз. Корпус ва она плата ишлаб чиқарувчи корхоналар кўп ҳолларда бир хил стандартларни ишлатишади. Шунинг учун ҳар бир симни учидаги ва унинг она платадаги ўз “разём”идаги ёзувлари тўғри келади. Шу ерда “маркировка”ни энг кўп тарқалган турини мисол келтирамиз:

HDD-LED	Корпусни олди томонидаги қизил чироқча. Қаттиқ диск ишлашини кўрсатиб туриш учун мўлжалланган (қизил-оқ рангли симчалар).
PWR-LED	Корпусни олди томонидаги яшил, кўк ёки қизил рангли чироқча. Компютерда ток борлигини кўрсатади. (яшил-оқ рангли симчалар).