Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
217
Ki, anda torqamen jonon nishoni! 
Chu jonon aksi ko‘rguzgay bu ko‘zgu, 
O‘zumdin borg‘amen ul nav’kim suv. 
XXXVI
Farhod bila Shirin may visolidin, balki visol mayidin birhol, balki behol bo‘lg‘onlari va charxi kabud, 
balki davri hasud soqiysi alarning aysh sog‘ari, balki sog‘ari ayshig‘a zahri hirmon, balki behush 
doruyi hijron qo‘shqoni va Xusravi Rarvez Shirinning shakarlablar shohi erkanin bilib, visoli no‘shin 
ko‘ngliga shirin qilib, shirin maqol elchidin chuchuk so‘zlar aytib yiborib, Shirin labi jullobidin kom 
orzusin shakarrez qilur muddao qilg‘oni 
Raqam qilg‘on bu so‘zu dard rozin, 
Aningdek chekti bu raykar tirozin 
Ki, chun bazm ichra ul ikki sitamkash, 
Yiqildilar tana’umdin qilib g‘ash. 
Yana bazm ahli tortib ohu nola, 
Bag‘ir qoni bo‘lub ichgan riyola. 
Ko‘tardilar ravon mahvashni bir yon, 
Yana ul bedili g‘amkashni bir yon. 
Anga bir uyda solib bistari noz, 
Kelib yotquzdilar huzn aylab og‘oz. 
Yana bir uyda yer solib nihoni, 
Yig‘ishturdilar ul ko‘hi baloni. 
Visol ichra yetishmay oshnolig‘, 
Falak soldi aro yerda judolig‘. 
Tong otquncha ikov behol edilar, 
Mashaqqat xaylig‘a romol edilar. 
Chu tebrandi nasimi subhgohi, 
Sahargah o‘ylakim Farhod ohi. 
Falakni tun g‘uboridin sururdi, 
Ne tun, savdo tutunin dog‘i surdi. 
Ul ikki ishq savdosida madhush, 
O‘ziga keldilar aylab madad hush. 
Xijolatdin qO‘pub Farhodi diltang, 
Baliyat tog‘i sori qildi ohang. 

---

Alisher Navoiy. Farhod va Shirin