Microsoft Word musaffo osmon ziyouz com doc

www.ziyouz.com kutubxonasi 
46
hamma yerda bo‘lganidek, ikki xil tuzum mavjud, sinfiy kurash hukm surar edi. Yozuvchi Ishoq bu 
yerda Elza, Mardikor, Vasantilardan tashqari, yana urush bo‘lishini oshkora orzu qiluvchi 
manfaatparast savdogarni, o‘z xodimlariga shafqatsizlarcha zulm o‘tkazuvchi mehmonxona xo‘jayinini, 
arzimagan pulga sotilib, xiyonat ko‘chasiga kiruvchi politsiyachilarni uchratadi. Lekin qahramonimiz 
endi qissa boshidagi Ishoq emas. U yovuzlik va adolatsizlikka panja orasidan qaramaydi, balki bunday 
illatlarga qarshi kurashish uchun bel bog‘laydi. 
Endi Ishoq nima to‘g‘risida yozishini yaxshi biladi. Uning miyasini band etgan o‘z joniga qasd qilish 
haqidagi fikr asta so‘nib, uning o‘rnini endi hayotga bo‘lgan qaynoq, jo‘shqin va charog‘on xohish-
iroda egallay boshlaydi. “Men yashayman, — deydi u, — men vatanimning nafaqat besh ming yillik 
madaniyatini himoya qilish uchun, ayni chog‘da, uni o‘n ming yillik jaholat botqog‘idan xalos etish 
uchun ham yashashim kerak!” 
Butun hayoti davomida, urush olovini yoquvchi, ajal urug‘ini sochuvchi manfur kishilarga nafrat 
bilan, oddiy mehnatkash xalqqa esa, mudom qalbida teran mehr bilan yashagan Hindistonning yirik, 
ruhi barkamol va o‘ta iste’dodli yozuvchisi Krishan Chandar kitobxon ahliga shunday jo‘shqin, o‘lmas 
asarlar yozib qoldirdiki, biz undan benihoya minnatdor bo‘lmog‘imiz kerak. 
Tarjimon. 
“Jahon adabiyoti” jurnalidan 
www.ziyouz.com
2008