Microsoft Word монетар ум к 2019й docm

1.1.“2017-2021 йилларда Ўзбекистон Республикасини янада ривожлантиришнинг 
бешта устувор йўналиши бўйича Ҳаракатлар стратегияси”нинг Иқтисодиётни 
янада ривожлантириш ва либераллаштиришнинг устувор йўналишлари 
 
Ўзбекистон ўз мустақиллигининг дастлабки йилларида бозор иқтисодиётига 
ўтишнинг ўзига хос йўлини танлаб, уни изчил амалга ошириши натижасида, Мустақил 
Давлатлар Ҳамдўстлигидаги бошқа кўплаб мамлакатлардан фарқли равишда, ишлаб 
чиқариш ва аҳоли турмуш даражасининг кескин пасайиб, давлатнинг ички ва ташқи 
қарзлари ҳаддан зиёд ошиб кетишига йўл қўймасликка эришди. 1991–1995 йилларда 
Ўзбекистонда ялпи ички маҳсулотнинг пасайиши, МДҲ давлатлари ўртасида энг кам 
кўрсаткични – 18,8 фоизни ташкил этди. Ҳолбуки, бу рақам Россияда – 53 фоиз, Украинада – 
52 фоиз, Беларусда – 54,6 фоиз, Қозоғистонда эса 75,4 фоизга тенг бўлди. 
Ўзбекистон иқтисодиёти 2000-2003 йиллар давомида йилига 3,8–4,2 фоиз ўсиш 
даражасида ўртача суръатлар билан ривожланди. Қулай ишчан муҳит яратиш, ишлаб 
чиқаришни модернизация қилиш, техник ва технологик янгилашга қаратилган иқтисодий 
ислоҳотларни чуқурлаштириш жараёнларининг натижаси сифатида мамлакатимиз 
иқтисодиёти 2004 йилдан эътиборан йилига 7–9 фоиз даражасидаги юқори ва барқарор ўсиш 
суръатларини намойиш қила бошлади. 
2017-2021 йилларда Ўзбекистон Республикасини ривожлантиришнинг бешта 
устувор йўналишлари бўйича Ҳаракатлар Стратегияси қабул қилинган ўрта муддатли 
дастурлар асосида макроиқтисодий мувозанатни сақлаш, таркибий ва институционал 
ўзгартиришларни чуқурлаштириш ҳисобига ялпи ички маҳсулотнинг юқори ўсиш 
суръатларини таъминлаш устувор вазифа сифатида белгиланмоқда.
Жаҳон иқтисодиётида сақланиб қолаётган мураккаб вазият ва дунё бозорларида 
юзага келган ноқулай конъюнктурага қарамасдан, мамлакатимиз иқтисодиёти сўнгги 
йилларда ҳам юқори суръатларда ўсишда давом этди.
Хусусан, 2015 йил якуни бўйича мамлакатимизда ялпи ички маҳсулот ҳажмининг 
реал ўсиши 2014 йилга нисбатан 8 фоизни, 2016 йил якуни 2015 йилга нисбатан 7,8 фоизни, 
2017 йил 5,3 ва 2018 йилда эса 2017 йилга нисбатан 5,1 фоизни ташкил этди. Дастлабки 
маълумотларга кўра, 2018 йилда Ўзбекистон республикаси ялпи ички махсулоти (ЯИМ) 
хажми жорий нархларда 407514,5 млрд. сўмни ташкил этди ва 2017 йил билан таққослаганда 
5,1 фоизга ўсди. ЯИМ дефлятори индекси 2017 йилдаги нархларга нисбатан 128,1 фоизни 
ташкил этди. (1.1-расм). 

---