Microsoft Word Mineral va petro lat doc

ZANJIRSIMON SILIKATLAR Piroksenlar guruhi

Kristallografik shakllariga qarab ikki guruhga: monoklin va rombik piroksenlarga bo‘linadi.

Rombik piroksenlar

Enstatit – Mg₂[Si₂O₆]. Tarkibida SiO₂ – 60 %, MgO – 40 %, ba’zan NiO – 0,2 %gacha uchraydi. Rombik singoniyali, rombo-dipiramidal, kristallari prizmatik, tabletkasimon qiyofalarda. Rangsiz, yashilroq tovlanadi, goxo yashil, yaltirashi shishadek, qattiqligi 5,5.

Enstatit magniyga boy magmatik jinslarga mansub mineral. U olivinlar bilan bir assotsiatsiyada peridotitlar tarkibida uchraydi. Effuziv jinslarda (bazaltlarda, andezitlarda) ham yuzaga keladi.

Gipersten – Fe₂[Si₂O₆]. Tarkibida temir miqdori 14 %dan ortiq; fizik xususiyatlari bo‘yicha enstatitga o‘xshash. Rangi yashildan yashil-qoragacha, solishtirma og‘irligi – 3,3–3,5. Temirga boy asos magmatik jinslarda (gabbro-norit, andezitlarda) uchraydi.