Microsoft Word mahtumquli ziyouz com doc

YOMG’IR YOG’DIR, SULTONIM!.. 
 
Seningdek Qodirdan tilak tilarman, 
Rahm aylabon, yomg‘ir yog‘dir, Sultonim! 
G’aribman, g‘amginman, nolish aylarman, 
Rahm aylabon, yomg‘ir yog‘dir, Sultonim! 
 
Qodir Alloh, to‘kkil nusrat boroni, 
Ekinning hamdasti, yerning yoroni, 
Yeru ko‘kning, Arshu Kursning Subhoni, 
Rahm aylabon, yomg‘ir yog‘dir, Sultonim! 
 
Bulbullar mast bo‘lsin, olam evrilsin, 
Qayg‘ular daf’ bo‘lsin, g‘amlar sovrilsin, 
No‘shirvon davridek jahon yayrasin, 
Rahm aylabon, yomg‘ir yog‘dir, Sultonim! 
 
Rahmating eshigi Arshdan ochilsin, 
Nuring inib, yer yuziga sochilsin,  
o‘ubor ko‘chsin, olam gardi yuvilsin, 
Rahm aylabon, yomg‘ir yog‘dir, Sultonim! 
 
Olam taqdir ko‘zlar – Haqning farmoni, 
Jahonni serob et, ketsin armoni, 
Sendan bitar dardlilarning darmoni, 
Rahm aylabon, yomg‘ir yog‘dir, Sultonim! 
 
Bechora bandaman, ne bordir menda,  
Rahiym – Sen, Rahmon – Sen, karam-kon Senda, 
Karaming bo‘lmasa, qoldik armonda, 
Rahm aylabon, yomg‘ir yog‘dir, Sultonim! 
 
Dargohdan tilanar nolishli qullar, 
Munojot aylabon ochilar tillar, 
Yomonlik daf’ bo‘lib, yayrasin ellar, 
Rahm aylabon, yomg‘ir yog‘dir, Sultonim! 
 
Maxtumquli, ishqing aylar iroda, 
Ishqingni komil et, qo‘yma aroda, 
Yetkazgil maqsada, ma’shar muroda, 
Rahm aylabon, yomg‘ir yog‘dir, Sultonim! 
 
 
 
 
 

---

Saylanma. Maxtumquli 
 
 
www.ziyouz.com kutubxonasi 
31