Microsoft Word kr vijdon azobi ziyouz com doc

ТУҒИЛИШИМ БИЛАН ЁЛҒИЗЛИК 
Онам Марсиннинг бир туманида, отам эса Марсинда яшаган. Иш сабабли туманга келган 
отам билан онам орасида яқинлик пайдо бўлади. Отам шаҳар ҳаёти жозибаларини айтиб 
бергач, онамни шаҳарда яшаш истаги чулғаб олади. Отам ва оанм турмуш қуришга қарор 
қилишади. Онам қишлоқда отамга турмушга чиқади. Лекин шаҳарга тушишгач, отам олдин 
уйланганлиги ва оиласи борлиги маълум бўлади. Отамнинг ҳонадонидаги кўпчилик онамни 
ҳоҳлашмайди. Бу орада онам менга ҳомиладор бўлиб қолади. Лекинотам оиласининг онамни 
ёқтирмаслиги туфайли мен туғилгач, икки ойдан кейин, онамни ҳеч нарсасиз кўчага ҳайдайди. 
Онам қариндошиникидан бошпана топади. Менинг ҳаётимда исломни четлаб ўтиш 
туғилмасимдан олдин бошланган. Онам кўп ўтмасдан бошқага турмушга чиқди. Мен ўртада 
қолдим. "Болада улғайгач эсидан чиқиб кетади", дейишади, лекин болалик қандай бошланган 
бўлса, кейин ҳам шунга кўра давом этади. Мени она тарафидан бувим олиб кетди. На онам 
бор, на отам. Отам шапалоқ урсаю, онамнинг тиззасида йиғласам деб қанчалар истардим. Меҳр 
муҳаббатсиз ҳаётим давом этарди. Мен беш ёшга кирганимда отам:"Мен бой бўлсам, нега 
болам қийналиши керак, олиб келаман", дейди. Аммо исломни билмаган оилада ўгай она 
борлиги бу ишга монеълик қилади. Бу ҳолга тоқат қилолмаган отамнинг аммаси мени олиб 

---

Виждон азоби. Амина Шанликўғли 
www.ziyouz.com кутубхонаси 
28
кетди. Моддий бойликка етишиб, анча роҳатли ҳаётим бошланди. Аммамнинг уйлари мен 
алмаштираётган 4- уй эди. Аммам маҳаллада диндор саналсалар-да, менинг диндан ҳабарим 
йўқ эди. Руҳимда севги, қалбимда қўрқув йўқ эди. Фақат Аллоҳнинг исмини билардим. 
Ёмонликлардан қандай ҳимояланаман, ҳимояланиш зарурми? Ҳеч нарсадан аҳбарсизпешонамга 
ёзилганидан норози ҳолда яшаб келардим. Ва ўсиб- улғайиб борардим.
ЖУФТИМДАН КУТГАНЛАРИМ 
Улғайиш ҳар инсон ҳаётидаги Яратувчининг энг гўзал қонунларидан бири. Бўйига етган қиз 
турмушга чиқишга тайёр номзоддир. Шулардан бири мен эдим. Замонага мувофиқ ҳолда мени 
ўстирган аммам ҳамма нарсамни ҳозирлади. Ота уйини кўрмасдан, 16 ёшимда турмушга 
чиқдим. Эримни яқиндан билмайман, танимайман. Танисам-да бирор нарсани фарқлаш мушкул 
эди. Чунки аммам ҳам мен кўзлаган нарсани кўзларди. . Мол дунё, пул. Дўкондор эримда булар 
бор эди. Турмушга чиққан куни эримдан бир нарсалар кутдим. Унинг аёли сифатида ҳурмат 
қилинишини истардим. Лекин унга бундай туйғуалр бегона эди. Баъзан мени безовта қилувчи 
ҳодисалар бўлар, шунда намоз ўқишни истардим. Ян аистардимки, жуфтим менга намоз 
ўқишни ўргатса. Лекин чала чулпа билганим ғуслни ҳам унга мен ўргатдим. Турмушга чиқишим 
билан ичимдаги бўсжлиқ кенгайиб ваҳимали тус олди. Аммо бўшлиқни қандай тўлдиришни 
билмасдим. Фарзандлар кўрдим. Нима бўлаётганини биламсдим. Она бўлишим ҳам мени 
бўшлиқдан қутқармади. Қабоҳатнинг каттаси менда эди. буни ўшанда англамасамда, ҳозир ҳис 
этаяпман. Чунки мен исломни танидим. Шу сабабдан айблаш йўлига ўтмасдан, асос билан 
уйғун ҳолда ўйлаб, ҳар нени тушунишим лозим. Тўғри турмушга чиқиб, фарзандлар кўрдим. 
Лекин эримнинг муҳаббатини кўрмадим. Онасиз ўсганим учунми, оналик не эканлигини ҳам 
билмадим. Ёшим19да эди... Айни ёш ва гўзал пайтим... Гўзаллигимни кўз-кўз қилардим, бу 
борада маҳалла аёллари билан мусобақа ўйнашардик. Кўпича мендан ўтадигани топилмасди. 
Ва бу вақт ичида ҳеч ким томонидан айниқса, эрим томонидан севилмадим. У жуда ҳам ёмон 
инсон эмасди. На урар, на севарди. Фақат яшаш мажбурияти учунгина мен билан яшар эди.