Microsoft Word Jahon tarixi rasmsiz pechat varianti doc

Tining o‘g‘li bo‘lib, Amenxotep IV nomi bilan ham ma'lum va 
mashhur. Amenxotep IVning dinni isloh qilishi Misr tarixida ro‘y 
bergan yirik voqyeadir. Bu islohotni amalga oshirishdan maqsad, ko‘p 

---

 
 
77
xudolarga sig‘inishdan iborat qadimgi an'anaviy din shaklini yagona 
quyosh xudosiga sig‘inish bilan almashtirishdan iborat edi.  
XVIII sulola fir'avnlari olib borgan istilochilik urushlari bir guruh 
saroy zodagonlarining boyishiga sabab bo‘ldi. Ayniqsa, ibodatxonalar 
va Amon kohinlari katta boylik orttirdilar. Taxt boshiga Amenxotep 
IV kelganidan keyin u Fiva kohinlarining Yuqori tabaqalariga qarshi 
kurash boshladi. U bunda Geliopol va Memfis kohinlariga suyanishga 
majbur edi, chunki bu yerlarda qadimdan yagona va oliy quyosh 
xudosiga topinish rivoj topib kelgan. Amenxotep IV Geliopol xudosi 
Ra-Goraxtaga ibodat qilishni xudo Amonga sajda qilishga qarama-
qarshi qo‘ygan
1
.  Amenxotep IV hatto shunga bordiki, o‘z otasining 
ismini ham yodgorliklardan oldirib tashladi. Amenxotep IV yagona 
va oliy xudo - quyosh xudosi Atonga sig‘inishni amr etdi. Bu narsa 
podshoning o‘z nomini o‘zgartirishida ham o‘z ifodasini topdi. Fir'avn