Microsoft Word Jahon tarixi rasmsiz pechat varianti doc

boshlig‘i” hamda “Amonning Fivadagi barcha ishlari mudiri” 
vazifasini ham ado etgan. Shuning uchun Amon ibodatxonasidagi 
barcha ustaxonalar unga bo‘ysungan va shu sababdan bu ustaxonalar 
uning maqbarasi devorlarida juda batafsil tasvirlangan. 
                                                 
1
 Немировский А.И. История Древнего мира. В 2-х частях. Античност. М., 
«Владос», 2000. 

---

 
 
75
 
Bu davrda misrliklar bir qator yangi mamlakatlar, 
chunonchi, Kipr, Kichik Osiyo va Mesopotamiyaga savdo 
ekspeditsiyalari va istilochilik niyatida qo‘shin yuborganlar. 
Bu vaqtga kelib Sinaydagi mis konlari zahirasi deyarli tugab 
qolganligi sababli, misrliklar o‘zlariga zarur misning yangi 
manbalarini qidirishga majbur edilar. Yangi Podsholik davrida, 
ayniqsa, Kipr orolidan ko‘p mis keltirilar edi. 
Bu davrda Misrga Kichik Osiyodan, xususan, uning xettlar 
yashagan Sharqiy viloyatlaridan temir keltirilgan. Temir o‘sha davrda 
Misr uchun nodir metall hisoblangan. XVIII sulola fir'avni 
Tutanxamon maqbarasidan atigi bir necha dona temir buyum topilgan. 
Misr savdosi yana shimoliy-Sharqqa, Mesopotamiya viloyatlari tomon 
rivoj topa bordi. Ikki daryo oralig‘ining shimoliy-g‘arbida joylashgan 
Mitanni davlatidan bronza, lojuvard, gazmol, kiyim-kechak, yog‘, 
jang aravalari, otlar va qullar keltirilsa, Bobildan kumush, yog‘ochdan 
yasalib oltin va fil suyagi bilan bezatilgan qimmatbaho buyumlar olib 
kelingan. Misr va Ossuriya o‘rtasida ham savdo aloqalari o‘rnatilgan. 
Yozma manbalardagi ma'lumotlarga qaraganda, misrliklar 
Ossuriyadan jang aravalari, otlar va lojuvard keltirganlar. 
 Yangi Podsholik davriga xos xususiyatlar. Yangi Podsholik 
davrida davlatni idora qilishning murakkab tizimi tarkib topdi. 
Markazlashtirilgan idora tizimi tobora kuchayib bordi. Mamlakat 
Shimoliy va Janubiy Misrni o‘z ichiga olgan ikkita katta ma'muriy 
viloyatga bo‘lindi: viloyatga fir'avnning maxsus hokimi tayinlanib, bu 
idora qilish ishini yanada markazlashtirish imkonini berdi. 
Mamlakatni idora qilish ishi to‘liq podsho amaldorlari qo‘liga o‘tdi. 
XVIII sulola hokimiyatining oxirida Misr qo‘shini ikki qismga 
bo‘linib: bir qismi - janubda, ikkinchisi - shimolda joylashgan edi. 
XIX sulola davrida esa, qo‘shin va harbiy qismlar bir necha 
bo‘limlardan iborat bo‘lgan. Harbiy qismlarga o‘sha davrdagi bosh 
xudolar ismlari berilgan. 
XVIII, XIX hamda XX sulola fir'avnlari xukmronlik qilgan 
davrni o‘z ichiga olgan Yangi Podsholik davrida (miloddan avvalgi