Microsoft Word Jahon tarixi rasmsiz pechat varianti doc

“Aton shu'lasi” ma'nosini anglatuvchi “Exnaton” degan nom oldi. 
Exnaton hozirgi Al-Amarna degan joyda yangi poytaxt - “Axetaton” 
- “Aton ufqi”ni qurdirdi. 
Pirovardida diniy islohat natija bermadi. Exnatondan keyin 
taxtga o‘tirgan Tutanxamon Fiva kohinlariga yon berib, Amonga 
sajda qilishni qaytadan tikladi va hatto o‘z ismini o‘zgartirib 
“Tutanxamon” deb atashga majbur bo‘ldi. Fiva yaqinidagi «podsho 
maqbaralari vodiysi» nomini olgan vodiyda 1922-yilda ingliz 
arxeologi  Govard Karter tomonidan topilgan Tutanxamon 
maqbarasidan naqshinkor va go‘zal ishlangan ko‘plab buyum va 
rasmlar topilgan.  
Ramzes I (Ria-masesa) Misr qo‘shinini qaytadan tuzish va uni 
mustahkamlashga qaratilgan bir qancha tadbirlarni amalga oshirdi. 
Katta harbiy yurishlarga Ramzes I dan keyingi fir'avn Seti I qo‘l urdi. 
U Suriyaga yirik qo‘shin tortib borgan va Megiddo tekisligiga qadar 
bostirib kirib, muhim yerlarni ishg‘ol qilishga muvaffaq bo‘lgan. Misr 
qo‘shinlari Suriya qirg‘oqlariga mustahkam o‘rnashib olishga 
erishgan, shubhasiz, bu hol Misrning Osiyodagi ta'sirini kuchaytirgan.