Microsoft Word Jahon tarixi rasmsiz pechat varianti doc

“o‘lka” va “viloyat boshlig‘i
1
” so‘zlarida o‘z aksini topgan.  
Arxaik davrdayoq qishloq xo‘jaligi bilan birga turli hunar - 
kasblar ham rivojlangan. Arxaik davrdan boshlab keng tarqalgan va 
yuksak darajaga yetib takomillashgan eng qadimgi kasb-hunar 
turlaridan biri toshdan har xil asboblar yasashdir. Misrliklar qadim 
zamonlardan bo‘yon toshdan asbob va qurol-aslahalar, xususan, o‘roq, 
arra, pichoq, bolta, belkurak, nayza va o‘q-yoy uchlari, xanjar, 
shuningdek,  bazalt, porfir va serpantin kabi chiroyli toshlardan 
mahorat bilan turli-tuman idishlar yasaganlar. Birinchi sulola davridan 
boshlab katta-katta tosh parchalari va plitalar ishlatilgan. Chunonchi, 
ushbu sulola podshosi Usefey maqbarasining pastgi qismiga granit 
plitalar yotqizilgan. II sulola fir'avni Xasexemui maqbarasining kichik 
sag‘anasi yo‘nilgan ohaktosh plitalaridan yasalgan. Bundagi yirik tosh 
parchalarini ishlatish texnikasi Shimoliy Afrikaning mezolit 
me'morchiligi texnikasini eslatadi. 
Qadimgi misrliklarga qo‘rg‘oshin, mis, oltin, keyinchalik esa 
temir kabi metallar ma'lum bo‘lgan. Qo‘rg‘oshin Qizil dengiz 
qirg‘oqlarida,  Koseyr hamda Asuvoan yaqinida qazib olingan. 
Miloddan oldingi davrlarga oid qabrlardan juda ko‘p qo‘rg‘oshin 
                                                 
1
 A. Pankratova, Konferentsiya chitatelei zhurnala “Voprosty istorii”, 1956, vi, 
2, p. 213; quoted in R.D.  
Markwick, Rewriting History in Soviet Russia. The Politics of revisionist 
Historiography, 1956-1874, Bas- 
ingstoke 2001, p. 4. 

---

 
 
65
buyumlari topilgan. Sinay yarim oroli va Sharqiy cho‘ldan qazib 
olingan mis, ayniqsa, keng tarqalgan. Birinchi sulola zamonidayoq, 
mis qazib olinganligi va misdan har xil qadimgi asboblar 
yasalganligidan dalolat beradigan buyum Sinay yarim orolining 
janubiy- g‘arbiy qismida, Vadi-Mag‘xarada va Serobiltal-Xodimdan 
topilgan edi. Bu yerdan mis rudasi, ma'dan chiqindilari, temirchilik 
o‘choqlari hamda metall eritish pechining qoldiqlari, quyilma va 
tig‘larning qoliplari, nihoyat, mis eritadigan qozon siniqlari topilgan. 
O‘sha davrda Sharqiy cho‘l va Nubiyada oltin qazib chiqarilganligi 
ham ma'lum. Birinchi sulolalar zamonidagi qabrlardan oltindan 
yasalgan g‘oyat go‘zal zeb-ziynat buyumlari topilganligi bu yerda 
zargarlik yuksak darajada rivojlanganligini ko‘rsatadi. Qadimgi 
Misrda temir miloddan avvalgi  1 ming yillikka qadar juda kam 
ishlatilgan. Temirga ishlov berish arxaik davrdayoq, muhim kasb 
hisoblangan. Podsho saroyida maxsus temirchilik ustaxonalari bo‘lib, 
bu ustaxonalarni maxsus amaldor idora qilgan, arxaik davridagi 
muhrlarning nusxalarida “podsho saroyidagi temir quyuvchilar