Microsoft Word итисодий статистика-лотин doc

5. Aholining uy-joy bilan ta’minlanganligi 
statistikasi 
 
Aholining uy-joy bilan ta’minlanganligini har bir yuz oilaga va ming kishiga 
uy-joy bilan ta’minlanganlik darajasi bilan belgilanadi. Aholi uy-joy bilan o‘zi 
qurib yoki sotib olish natijasida hamda davlat va korxonalar berishi bilan 
ta’minladi. Aholining uy-joy bilan ta’minlanganligi darajasini aniqlash uchun 
hududdagi uy-joy fondini shu hudud doimiy aholisi soniga bo‘lib topiladi. Bunda 
doimiy aholi 1000 kishi hisobida yilning oxirgi soni bo‘yicha aniqlanadi. 
6. Aholining madaniy-ma’rifiy darajasini ifodalovchi ko‘rsatkichlar 
Aholining madaniy- ma’rifiy salohiyatini ifodalovchi ko‘rsatkichlarga 
quyidagilar kiradi: 
1.
Maktabgacha tarbiya muassasalari soni va ulardagi bolalar soni; 
2.
Umumiy o‘rta ta’lim va litseylar soni va ulardagi o‘quvchilar soni; 
3.
o‘rta maxsus kasb – hunar kollejlari va ularda o‘qiyotganlar soni. 
4.
Oliy o‘quv yurtlari va ulardagi talabalar soni. 
5.
Kutubxonalar, kitob fondi va kitobxonlar soni; 
6.
Jurnal, gazeta va boshqa davriy nashriyotlar soni; 

---

111 
7.
Tibbiyot va sog‘liqni saqlash bo‘yicha ko‘rsatkichlar, bir shifokorga 
to‘g‘ri keladigan aholi soni, 10000 kishiga to‘g‘ri keladigan shifoxona 
o‘rinlari, vrachlar va shu kabilar. 
O‘zbekistonda yoshlarni tarbiyalashga, bolalarni sog‘lom qilib o‘stirishga, 
komil inson qilib tarbiyalashga katta ahamiyat berilmoqda. Hozirgi paytda yosh 
bolalarni maktabgacha tarbiya muassasiga jalb qilish qishloqdagiga nisbatan 
shaharda yuqoriroq O‘zbekistonda aholini tabiiy ko‘payishi yuqori darajada 
bo‘lganligi sababli, umumiy o‘rta ta’lim maktablardagi bolalar soni ham yildan – 
yilga ko‘payib bormoqda. Masalan: 1997 yili 5257 ming o‘quvchi bo‘lgan bo‘lsa, 
2000 yilga kelib, o‘rta maktabdagi o‘quvchilar soni 5765 ming o‘quvchiga yetdi. 
«Ta’lim to‘g‘risida»gi qonunni amalga oshirish bo‘yicha joylarda zamon talabiga 
javob beradigan akademik litseylar va kasb-hunar kollejlari qurilmoqda. Ularda 
o‘qiydigan talabalar soni ham yildan-yilga ko‘payib bormoqda. Hozirgi paytda oliy 
o‘quv yurtlari va boshqa ilmiy muassalarda ta’lim olayotgan mutaxassislarning 
sifatiga katta e’tibor berilmoqda. O‘zbekistonda 64 oliy o‘quv yurti mavjud. 
Respublika byudjetidan ta’lim sohasiga ajartilayotgan mablag‘lar mutloq 
summasida yildan-yilga ko‘payib bormoqda. Maslan: 1995 yil 21,1 mlrd. so‘m 
ajratilgan bo‘lsa, 1999 yil ta’lim sohasiga 159 mlrd. so‘m ajratilgan. Ta’lim 
sohasidagi harajatlar YAIMning 7,8 % ni tashkil qiladi. Byudjet harajatlari esa, 
1999 yili 24 % ni tashkil qilgan. O‘zbekiston hukumati aholining sog‘ligini himoya 
qilishga katta ahamiyat bermoqda. Sog‘liqni saqlashga davlat byudjeti 
harajatlarining 10%ga yaqini, YAIM ga nisbatan esa 3,3% sarflanmoqda. Sog‘liqni 
saqlashda bitta shifokorga to‘g‘ri keladigan aholi soni 1999 yilda 302 kishiga 
to‘g‘ri kelgan. Shifoxona o‘rinlari esa 10000 kishiga 56 o‘rin to‘g‘ri kelgan. 
Hukumatimiz sog‘liqni saqlash bo‘yicha keyingi 5 yilda tibbiyot sohasida yangi 
zamonaviy texnika bilan jihozlangan tez tibbiy markazlari tashkil etildi. Har yili 
sog‘lom avlodni tarbiyalash bo‘yicha ona va bolalarni sog‘lig‘ini himoya qilish 
bo‘yicha katta ishlar amalga oshirilmoqda.