Microsoft Word ece. Cep. 156. Uzbek doc

Пахта мамлакатнинг энг муҳим товар зироати ҳисобланади. 
Ўзбекистон ҳали ҳам пахта экспорти 
бўйича Америка Қўшма Штатларидан кейин дунёда иккинчи ўринда туради. Пахтани суғориш учун 
керак бўлган сув, етиштириш учун керак бўлган пестицид ва ўғит миқдори юқори ва ғалла учун керак 
бўлган миқдорлардан сезиларли даражада юқори. Пахта ва ғалла етказиб беришга бевосита давлат 
аралашуви даражаси юқори бўлиб келди, шунингдек асосий ресурслардан, хусусан сувдан оқилона 
фойдаланишни нарх-наво билан рағбатлантириш қўлланилмади. 
Ер ресурсларини бошқаришда ер шўрланиши, тупроқ эрозияси ва тупроқнинг хавфли моддалар 
билан ифлосланиши каби муаммолар юзага келмоқда.
1990 йиллардаги янада салбийроқ 
тенденциядан сўнг барқарорлашувга қарамай суғориладиган ерларда ер деградацияси даражаси 
юқорилигича қолмоқда, тахминан 55 
фоиз ер бирон бир шаклда деградация ва ҳосилдорлик 
пасайишидан зиён кўрмоқда. Ер шўрланиши, ер ости сувнинг сатҳи кўратилиши, тупроқ сурилиши, 
суғориш туфайли ва жарлар ҳосил бўлиш туфайли эрозия суғориладиган ерлар учун асосий хавф 
ҳисобланади. 
Яйловларда ортиқча мол боқиш 16,4 миллион га (ёки 73 фоиз) яйловларнинг деградациясига олиб 
келди.
Яйлов ердан қишлоқ хўжалик мақсадларида фойдаланишнинг энг кенг тарқалган туридир. Ўтлоқ 
ва яйловлар мамлакат ҳудудининг 54 фоизини ташкил қилади, ҳолбуки ҳайдаладиган ер 11 фоизни 
ташкил қилади. Устига устак, ўсимликни ёнилғи ва ўтин учун олиш эрозияга, жумладан қияликларда 
сув эрозиясига сабаб бўлмоқда. 
Барқарор бўлмаган бошқарув амаллари кенг тарқалган бўлиб, ернинг янада деградацияси хавфини 
туғдирмоқда.
Экин алмашуви қўлланилмаслиги ва катта миқёсда пахта ва ғалла етиштириш органик 
ўғитлардан чекланган миқёсда фойдаланиш билан биргаликда тупроқ юқори қатламлари таркибида 
органик моддалар етишмаслигиги ва тупроқ ҳосилдорлиги пасайишига олиб келади.