Microsoft Word ece. Cep. 156. Uzbek doc

Экологик мониторинг, ахборот, жамоатчилик иштироки ва таълим 
Мониторинг тизимлари 2001 йилдан бери кенгайтирилмаган, баъзи ҳудудларда эса 
қисқартирилган.
Экологик мониторингни самарали ахборот ва сиёсат воситасига айлантириш, 
жамоатчиликнинг қарор қабул қилишда иштирокини рағбатлантириш ва барқарор ривожланиш 
тамойилини турли босқичлардаги таълим ва малака оширишга киритиш учун уни кучайтиришга эҳтиёж 
бор. 
Мониторинг тизими мамлакатнинг мониторинг қоидалари талабларига мос эмас.
 
Аксарият 
экологик сифат стандартлари асосан совет даврида қўлланилган сифат стандартларининг ўзи, ҳолбуки 
атмосфера ҳавосига тегишли стандартлар қайта кўриб чиқилди. Амалда эмиссия стандартлари билан 
қамраб олинган ифлословчиларнинг анчаси аслида хўжалик юритувчи субъектлар томонидан 
кузатилмайди.
Стандартлар тизими ҳали ҳам кенг қамровли, аммо ҳаддан ташқари баланд мақсадларга 
қаратилган. 
Тартибга солинган ифлословчиларнинг ҳаддан ташқари кўплиги давлат органлари 
зиммасига ҳаётдан узоқ мониторинг ва амалга ошириш талабларини юклайди. Ўзбекистоннинг бир 
қатор стандартлари аниқлаш ёки ҳисоблаш чегарасидан паст бўлгани учун улар бажариладими, 
билишнинг имкони йўқ.
Ифлосланишни мониторинг ахборот тизими яхши структурага эга
ва у ифлосланиш параметрлари 
ва алоҳида-алоҳида корхоналар бўйича маълумот етказиб беради. Икки йилда бир марта ифлосланиш 
манбалари ҳолати ва уларнинг атроф-муҳитга таъсири тўғрисида ахборотнома эълон қилинади. 
Ахборотноманинг янгилиги шундан иборатки, унда алоҳида корхоналар бўйича меъёрдан ошиш 
ҳоллари эълон қилинади ва улар белгиланган чегара қийматлар ва тегишли энг кўп йўл қўйиладиган 

---

3 
концентрациялар билан солиштирилади. Бу тизим Бирлашган Миллатлар Ташкилотининг Европа 
Иқтисодий Комиссия (БМТЕИК)си кўриб чиққан мамлакатлар орасида ягонадир.