Microsoft Word dinda savol3 ziyouz com doc

Tamaki haqida nima deyilgan? 

 

Savol: Ma’lumki, Islomning ilk davrida sigaret ham, nos ham bo‘lmagan. 

Fiqh kitoblarida ana shu ikki illat haqida nimalar deyilgan? 

Javob: Nabiy (s.a.v.) davrlarida ham, sahobalar va tobe’inlar davrlarida ham sigaret 

va nos yo‘q edi. Shuning uchun ham Kitob va sunnatda ular haqida ochiq aytilmagan. 

Ammo Qur’on va hadis qiyomatgacha insoniyatga hodiy ekan, bunday bir salbiy 

moddalar haqida hech gap aytmagan, deyish to‘g‘ri emas. Boshqa ko‘pgina xususlarda 

bo‘lgani kabi tutun va nos to‘g‘risida ham har ikkala manbada ishoralar bor. 

Ummu Salama onamiz deydilar: «Janobi Rasululloh (s.a.v.) har qanday mast qiluvchi 

va badanni bo‘shashtiruvchi, zaiflashtiruvchi narsalarni iste’mol qilishdan qaytarar 

edilar». 

Nos va tamaki sog‘lom odamni kasal qilishini, kuchlini zaiflashtirishini hamma, hatto 

ularni chekayotganlar ham bilishadi, tan olishadi. 

Imom Ahmad va Ibn Mojalar rivoyat qilishgan boshqa bir hadisda: «Islomda o‘ziga 

ham, o‘zgaga ham zarar yetkazish yo‘q», deyilgan.