Microsoft Word dasturida shakllar va chizmalarga oid amaliy ish

Asosiy tushunchalar:

Shakllar kolleksiyasi, shakl joylashtirish, shakl formati, yuzaga ega shakl ichiga matn joylashtirish, shakl effektlari, shakllarni birlashtirish.

Darsning borishi:

1. 
   Tashkiliy qism.
   

Salomlashish. Davomatni aniqlash. O’quvchilarni darsga tayyorliklarini tekshirish.

Ma’naviyat daqiqasini o’tkazish. Fevral oyidagi muhim sanalar haqida suhbatlashish. Fevral oyida tug‘ilgan buyuk allomalarimiz A. Navoiy va Z.M.Bobur slayd yordamida esga olinadi. G’azallaridan yod olinadi.

O’quvchilar ikki guruhga bo’linadi. Dars musobaqa tarzida tashkil qilinadi. Har ikki guruhga bayroqni tasviri tushirilgan qog’ozlar beriladi va yulduzchali stikerlar beriladi. O’quvchilar har bir bergan javoblari uchun o’zlarining bayroqlariga yulduzlarni yopishtirib borishlari, qaysi guruh ko’p yulduzchalarni bayrog‘iga qadasa o‘sha guruh g‘olib hisoblanishi tushuntiriladi. Uyga vazifa ham musobaqa tarzida amaliy ravishda so’rab olinadi. Guruh a’zolari chiqib savollar yozilgan tarqatma materialni tortishadi va javobini amaliy ravishda innovatsion doskada ko’rsatib berishadi.