17
вариантларда уруғларнинг дала унувчанлиги Чиллаки навида 32.5%, Крошка навида 35.5% , каттиқ
буғдойнинг Кахрабо навида 38% бўлди. Уруғ ўлчами 2.0 мм бўлган шароитда дала унувчанлик
кўрсаткичи Чиллаки навида 46.0% , Крошка навида 49%, Кахрабо навида 51.5% ни ташкил этди. Уруғ
ўлчами 2.5 мм бўлганда дала унувчанлик мос равишда кузги буғдойнинг маҳаллий Чиллаки навида 57.0
%, Крошка навида 61.0 %, Кахрабо навида 72.0 % ни ташкил этди.
Тажрибада уруғларнинг дала унувчанлиги бўйича нисбатан юқори кўрсаткичлар Чиллаки 70.5%
ва Крошка навларида 71.5% йирик ўлчамли 3.0 мм фракцияли уруғлар экилганда каттиқ буғдойнинг
Кахрабо навида эса 72.0 % 2.5 мм ўлчамли уруғлар экилган шароитда кузатилди.
Юқорида келтирилган тажриба натижалари уруғларнинг дала унувчанлиги энг аввало уларда
заҳира озиқа тўпланганлигига боғлиқлигини кўрсатди. Мадомики йирик уруғларда заҳира озиқалар
кўпроқ бўлади, бу эса ўз навбатида уруғларнинг дала унувчанлигига ижобий таъсир кўрсатади. Қаттиқ
буғдой навларида эса нав хусусиятидан келиб чикиб 2.5 мм фракцияли уруғларни экиш мақсадга мувофиқ,
ўта йирик уруғларнинг ташқи уруғ қобиғи қалинроқ бўлиб уруғларнинг униб чиқиши бироз қийинлашади.
Уруғ сифати шунингдек даладаги кўчат қалинлигида ҳам намоён бўлди. Тажрибада вариантлар
бўйича кўчат қалинлиги ҳисобли майдонда 1 м
2
даги ўсимликлар сонини ҳисоблаш йўли билан аниқланди.
Тажрибада ўрганилаётган барча навларда кўчат қалинлиги бўйича нисбатан паст кўрсаткичлар майда
фракцияли уруғлар экилган вариантларда қайд этилди. Далада 1 м
2
майдондаги ўсимликлар сони майда
фракцияли 1.7 мм ўлчамдаги уруғлар экилган вариантларда Чиллаки навида 195 дона, Крошка навида 213
дона, қаттиқ буғдойнинг Кахрабо навида 228 донани ташкил этди.
Ўлчами 2.0 мм бўлган уруғлар экилганда 1 м
2
майдондаги ўсимликлар сони кузги буғдойнинг
Чиллаки навида 276 та , Крошка навида 294 та , Кахрабо навида эса 309 тани ташкил этди.
Тажрибада кўчат қалинлиги бўйича нисбатан юқори кўрсаткичлар Чиллаки ва Крошка навларида
йирик 3 мм ўлчамли, Кахрабо навида ўртача йирикликдаги 2.5 мм ўлчамли уруғлар экилган вариантларда
қайд этилди. Йирик уруғлар экилганда 1 м
2
майдондаги ўсимликлар сони Чиллаки навида 423 та, Крошка
навида 429 та, Кахрабо навида 417 тани ташкил этди. Кўчат қалинлиги бўйича энг юқори кўрсаткич
Кахрабо навида 2.5 мм ўлчамли уруғлар экилган шароитда кузатилди, бунда 1 м
2
ўсимликлар сони 432
донага тенг бўлди.
Демак, далада етарли миқдорда кўчат қалинлигига эришиш учун 2.5-3.0 мм ўлчамли уруғлар
экилиши мақсадга мувофиқ.
Do'stlaringiz bilan baham: