Microsoft Word Bolalar nevrologiyasi end doc

Nerv tizimi zararlanishining periferik turi 
Allergiyada nerv tizimi zararlanishining periferik poliradikulonevropatiya, 
polinevropatiya va mononevropatiya ko‘rinishida namoyon bo‘lishi mumkin. 
Patologiyaning paydo bo‘lish asosida nerv tolalarning demiyelinizatsiyasi va qon 
tomirlarning allergik zararlanishi yotadi.
Jarayonga bitta nervning qo‘shilishi 
mononevropatiyaga
olib keladi. 
Ko‘proq zararlanishga moil nervlarga: ko‘rish, eshitish, yuz nervi, o‘tirg‘ich nervi 
kiradi.
Bir necha periferik nervlarning zararlanishi 
polinevropatiya
 
rivojlanishiga 
olib kelib, ko‘proq sensor, harakat yoki aralash zararlanish belgilari bo‘lishi 
mumkin. Kechishi bo‘yicha o‘tkir, o‘tkir osti va qaytalanuvchi polinevropatiya 
farqlanadi.
Ko‘proq distal qismidagi nervlar zararlanadi. Og‘ir hollarda jarayon qalin 
miyelinizatsiyalashgan tolalarga o‘tadi (harakatlantiruvchi va chuqur sezgi 
o‘tkazuvchi yo‘llar).
Klinikasi yengil parez va sensor ataksiya ko‘rinishida kechadi. Bu shakl 
Landri va Giyena-Barre sindromlari turida kechadi. Birlamchi sabablari sifatida 
parainfeksion asoratlar, immunizatsiya, parda qanotlilar va qon so‘ruvchilarning 
chaqishi ustunlik qilishi mumkin.
Dori va ovqat allergiyasida surunkali polinevropatiya rivojlanib, ko‘pchilik 
holatda yuza sezgi o‘tkazuvchi tolalarni zararlaydi. Bu bemorlarda vegetativ qon-
tomir buzilishi, og‘riq va harorata sezuvchanligini distal qismlarda buzilishi bilan 
kechadi (akrogipergidroz, akrotsionoz, akrogipotermiya, barmoq uchlarining 
oqarishi).
Jarayonga ildizchalarni ham zararlanishi qo‘shilsa poliradikulonevropatiya 
rivojlanishiga olib keladi (og‘riq, tortilish belgilari musbatligi, ildizcha 
xarakteridagi sezuvchanlik buzilishlari). Likvorni tekshirganda oqsil-hujayra 
dissotsiatsiyasi aniqlanadi.