Microsoft Word Амиров Elektr o`lchashlar doc

Shoyoqubov G'ofir Rustamovich (1938-2001) - texnika fanlari nomzodi, dotsent.Kichik qiymatli chiziqli tezliklarni o'lchovchi magnitomodulyasion prinsipdagi datchiklarni takomillashtirishga oid ilmiy tadqiqotlar olib borgan . 7 ta ixtiro va 30 dan ortiq ilmiy va ilmiy-uslubiy ishlar muallifi.
Yusupbekov Nodirbek Rustambekovich (1940) - O'zbekiston FA akademigi, O'zbekistonda xizmat ko'rsatgan fan arbobi, Davlat mukofoti laureati, texnika fanlari doktori, professor. Olimning ilmiy faoliyati serqirrali bo'lib, uning o'lchashlarga oid ilmiy ishlari kimyo-texnologiya jarayonlarida o'lchash texnikasi, usullari va asbobsozlikni rivojlantirishga bag'ishlangan va ushbu yo'nalishda ilmiy maktab yaratgan. 161 ta (shundan 68 tasi o'lchash texnikasiga oid) ixtiro, 19 ta monografiya, darslik va o'quv qo'llanma hamda 200 dan ortiq ilmiy va ilmiyuslubiy ishlar muallifi. 13 ta fan doktori va 68 ta fan nomzodi tayyorlagan.
Yakubov Mirjalil Sagatovich (1942) - texnika fanlari nomzodi, dotsent. Ilmiy ishlari elektr va noelektr kattaliklarni o'lchashda yaxshi dinamik va metrologik xarakteristikalarga ega bo'lgan o'zgaruvchan chastotali o'lchash o'zgartkichlarini yaratishga bag'ishlangan. 2 ta monografiya, 6 ta o'quv qo'llanma, 10 ta ixtiro , 60 dan ortiq ilmiy va ilmiy-uslubiy muallifi.
O'ljayev Erkin (1942) - texnika fanlari nomzodi, dotsent. Ilmiy ishlari qishloq xo'jalik mashinalarining ishchi rejimlari parametrlarini avtomatik ravishda nazorat qilish va boshqarishda qo'llaniladigan ko'pkanalli axborot-o'lchash intellektual tizimini yaratishga bag'ishlangan. 29 ta ixtiro, 1 ta o'quv qo'llanma va 130 dan ziyod ilmiy va ilmiy-uslubiy ishlar muallifi.
Qodirova Sharofat Abduvahobovna (1942) - texnika fanlari nomzodi, dotsent. Qo'zg'aluvchan qismining siljish diapazoni kengaytirilgan ferrodinamik o'lchash o'zgartkichlarining yangi konstruksiyalarini taklif etgan. 3 ta ixtiro va 30 ga yaqin ilmiy ishlar muallifi.
Qurbonov To'lqin Murodovich (1937) - texnika fanlari nomzodi, dotsent. O'zgaruvchan tok kompensatorlari uchun ko'p aylanishli kontaktsiz kompensatsiyalovchi elementlarning bir nechta konstruksiyalarini taklif etgan. Ushbu yo'nalishda 4 ta ixtiro va 30 dan ortiq ilmiy ishlar muallifi.