Microsoft Word Амиров Elektr o`lchashlar doc

Zaynullin Nail Rafkatovich (1958) - texnika fanlari nomzodi. Ilmiy ishlari datchiklar yangi konstruksiyalarini yaratishda texnik ijodiyotning energoinformatsion usulini qo'llash va uni rivojlantirishga bag'ishlangan. 7 ta ixtiro, 1 ta o'quv qo'llanma va 20 dan ortiq ilmiy va ilmiy-uslubiy ishlar muallifi.
Zaripov Madiyor Faxritdinovich (1929-2006) - texnika fanlari doktori, professor. Boshqirdistonda xizmat ko'rsatgan fan arbobi. Ilmiy faoliyati parametrlari taqsimlangan zanjirlar, o'lchash o'zgartkichlarining nazariyasini rivojlantirish va uning asosida elektr, magnit va noelektr kattaliklarni o'lchashda qo'llaniladigan birlamchi o'zgartkichlarning takomillashgan konstruksiyalarini yaratish, turli tabiatli zanjirlar analogiyasining umumlashgan nazariyasini ishlab chiqish hamda texnik ijodiyotning energoinformatsion usulini yaratishga bag'ishlangan. Ushbu soha bo'yicha O'zbekistonda yirik ilmiy maktab yaratgan. Uning bevosita rahbarligida 12 ta fan doktori va 80 dan ortiq fan nomzodlari (shu jumladan, mahalliy kadrlardan 5 ta fan doktori va 26 ta fan nomzodi) tayyorlangan. 29 ta monografiya va o'quv qo'llanmalar, 300 dan ortiq ixtirolar va 260 dan ziyod ilmiy ishlar muallifi.
Zokirov Tursun Zokirovich (1944) - texnika fanlari nomzodi, dotsent. Ilmiy ishlari suyuq va gazsimon mahsulotlar qovushqoqligini o'lchash va nazorat qilishda qo'llaniladigan o'zgartkichlarni takomillashtirishga bag'ishlangan. 32 ta ixtiro, 2 ta o'quv qo'llanma va 100 dan ziyod ilmiy va ilmiy-uslubiy ishlar muallifi.
Zoxidov Shovkat Shoxidovich (1937-1998) - texnika fanlari nomzodi, dotsent. Ilmiy ishlari o'lchash elektr ko'prik sxemalarining nazariyasi va amaliyotiga bag'ishlangan. U avtomatik ko'prik sxemalarda ilk bor o'zgaruvchan chastota qo'llanishni taklif etgan. Ushbu yo'nalishda 2 ta monografiya, 8 ta ixtiro va 40 dan ortiq ilmiy maqolalar muallifi.
Ibragimov Erkin (1944) - texnika fanlari nomzodi, dotsent. Magnitomodulyasion prinsipda ishlaydigan siljish o'lchash o'zgartgichlarini takomillashtirishga oid ilmiy tadqiqotlar olib borgan. 5 ta ixtiro va 20 ga yaqin ilmiy ishlar muallifi.