Amaliy ish Тeleo‘lchash tizimlaridagi xatolarni o‘rganish.
Referat mavzulari
Axborot-o‘lchash tizimlarining asosiy strukturalari va ularni qiyoslash.
Тeleo‘lchash tizimlari.
Mikroprotsessor va mikro EHM ni axborot-o‘lchash tizimlarida qo‘llash istiqbollari.
O‘z-o‘zini sinash savollari
Axborot-o‘lchash tizimlari haqida nimalarni bilasiz?
Axborot-o‘lchash tizimlari deb nimaga aytiladi va ularning vazifasi nimalardan iborat?
Axborot-o‘lchash tizimlarining asosiy strukturalari va xususiyatlari qanday?
Elektroenergetik va boshqa ko‘p o‘lchamli murakkab obyektlarda qanday axborot o‘lchash tizimlari qo‘llaniladi?
5.5. «SMART-KП ELEKTRA»: telemexanika qurilmasi
Hozirgi vaqtda Rossiya Federatsiyasida (Chernogolovka sh.) energoobyektlarni dispetcherlik va texnologik boshqarish uchun dasturiy-texnik ko‘p funksiyali telemexanik kompleks «SMART – KП Elektra» yaratilgan (5.7-rasm). SMART telekompleksi eng mas’uliyatli energetik obyektlarda – GES, GRES, ТES, 500 – 220 – 110 kV nimstansiyalarda qo‘llaniladi. Boshqa nimstansiyalar bilan yuqori sifatli sodda va egiluvchan bog‘lanishni ta’minlaydi. «SMART» kompleksi zamonaviy telemexanik komplekslari kabi modul prinsipida qurilgan bo‘lib, birlamchi axborotlarga o‘z joyida ishlov beradi. Sistema informatsion xalaqitlarga qarshi yuqori himoyaga ega.
Sistemaning asosiy elementi mikroprotsessorli modul bo‘lib, u ma’lum bir funksiyalarni, misol uchun, telesignallash yoki teleo‘lchash axborotlarini kirishchiqish mikroprotsessorli modullari yordamida yig‘uvchi tarmoq bilan bog‘laydi.
«SMART» telemexanik sistemasi quyidagi funksiyalarga ega(5.8-rasm): bir-biriga bog‘lanmagan ikkita telemexanik kanallar bilan ishlash;
telemexanikaning zamonaviy MEK 870 – 5 – 101 standarti bo‘yicha protokollash avtomatik dispetcherlik boshqarishning bosqichlarini modernizatsiyalash;
telemexanik kanallar yordamida distansion texnik tashxis etish;
elektroenergiyaning elektron impulsli hisoblagichlar ko‘rsatishlarini yig‘ish va saqlash;
raqamli o‘lchash (TO‘) o‘zgartkichlar va raqamli elektroenergiya hisoblagichlar ko‘rsatishini yig‘ish va saqlash;
telesignalizatsiya (TS) holatlarini ro‘yxatlash;
teleboshqarish (TB);
harorat parametrlarini o‘lchash (ob-havo harorati, transformatorlar, elektroyuritmalar va boshqa).
rasm. «SMART-KП Elektra»: telemexanika qurilmasi.
rasm. «SMART-KП Elektra»: telemexanika qurilmasining tuzilish sxemasi.
Kompleksning ishlash jarayonida har bir kirish-chiqish moduli normal ishlashi tekshiriladi, buzilish sabablari fayl ko‘rinishda ro‘yxatlanadi. Telemexanika kanallari orqali keyingi ishlov berish va kuzatish uchun qurilma tashxisini svetodiod indikatorlari yordamida maxsus vositalarsiz bevosita obyektni o‘zida qo‘yish mumkin.