Microsoft Word ахборот технологиялар фанидан мажмуа doc

Машинадан кейинги ишлов бериш чиқиш маълумотларини тақдим этишнинг талаб 
этиладиган шаклларини, чиқиш шаклларини тасвирлаш ёки уларни ахборот ташувчиларда қайд 
қилиш, чиқиш шаклларини фойдаланувчилар ёки иловаларга узатишни таъминлайди. Чиқиш 
ахборотини тақдим этишнинг аниқ шакли унинг мақсади ва ахборотни тасвирлашнинг техник 
воситалари таркибига боғлиқ бўлади. Масалан, агар чиқиш маълумотлари кейинчалик амалий 
дастурлар билан ишлов бериш учун мўлжалланган бўлса, улар операцион тизимнинг муайян 
соҳасига узатилиши ёки машина ўқийдиган ташувчиларга ёзиб қўйилиши мумкин. Бир вақтнинг 
ўзида бу маълумотлар босишга ёки дисплей экранига чиқарилиши ҳам мумкин. Фойдаланувчига 
бериладиган маълумотлар босишга узатилади ёки дисплей экранига чиқарилади (мулоқот 
режимида). Фойдаланувчи учун мўлжалланган чиқиш маълумотларини акс эттириш учун 
шунингдек табло, индикаторлар, графоқургичлардан фойдаланилади.
Чиқиш маълумотлари чиқаришдан олдин таҳрири қилинади, таҳрир қилиш 
маълумотларни шакллантириш ва уларни қабул қилинган шаблонга мувофиқ ёки 
фойдаланувчи кўриши учун қулай шаклга келтиришдан иборат бўлади. Махсус дастурий 
модуллар ёрдамида чиқиш шаклининг сарлавҳаси («шапкаси») тузилади, шунингдек зарур 
хабарлар ва изоҳлар чиқарилади. 
Ҳозирги вақтда ишлаётган ААТ ларида чиқиш маълумотларининг асосий ҳажми 
дисплей экранига ёки қоғозга босма ҳолда чиқарилади. Қоғозни тежаш мақсадларида 
маълумотларни чиқариш технологик жараёни чиқиш шаклларининг оқилона тузилмасини 
таъминлаши, шунингдек чиқиш шаклларини қоғозда шундай жойлаштиришни кўзда тутиши 
керакки, у қоғоз юзасида фойдаланилмайдиган жой деярли қолмасин. Чиқиш файлларини 
ташкиллаштиришда чиқиш маълумотларини фойдаланувчи учун қулай шаклда тақдим этиш 
ҳақида ҳам ўйлаш, бунда саҳифаларнинг имкон қадар тўла бўлишини таъминлаш зарур. 
Пакет режимида машинадан кейинги ишлов бериш технологик жараёни умумий 
ҳужжатларни чиқариш ва фойдаланувчига узатиш билан тугалланади. Ҳужжатли ИПС ларда 
чиқиш ахборотидан нусхалар олинади, масалан, микрофильмлаштирилади, кўпайтирилади, 
брошюра ҳолига келтирилади ва фойдаланувчиларга узатилади ёки тарқатилади.