Microsoft Word 06 Agrar siyosat va oziq ovqat xavfsizligi

bilishi va ulardan foydalana olishi;

• 
  qishloq xo‘jaligi mahsulotlari hajmini hisoblash hamda uning tarkibidagi miqdor va sifat o‘zgarishlarini baholash;
  
• 
  agrar va oziq-ovqat sohasida yalpi talab va taklif o‘rtasidagi muvozanatning o‘zgarishini tahlil etish;
  
• 
  agrar va oziq-ovqat sohalari iqtisodiy salohiyatdan samarali foydalanish muammolari yuzasidan nazariy xulosalar chiqarish;
  
• 
  zamonaviy nazariyalar asosida agrar va oziq-ovqat sohalari iqtisodiyotini tartibga solish darajasi va usullariga baho berish;
  
• 
  agrar va oziq-ovqat bozorlaridagi zamonaviy tendentsiyalarni kuzatish va ular to‘g‘risida nazariy xulosalar chiqarish ko’nikmalariga ega bo’lishlari kerak.
  

Fanning o’quv rejadagi boshqa fanlar bilan o’zaro bog’liqligi va uslubiy jihatdan uzviy ketma-ketligi
«Agrar siyosat va oziq-ovqat xavfsizligi» fani tanlov fani sifatida 7-semestrda o‘qitiladi. Dasturni amalga oshirish o‘quv rejasida rejalashtirilgan gumanitar va ijtimoiy- iqtisodiy fanlari hamda umumkasbiy fanlaridan, jumladan Makroiqtisodiyot, Qishloq xo‘jalik iqtisodiyoti, Menejment fanlaridan yetarli bilim va ko‘nikmalarga ega bo‘lish talab etiladi.


Fanning ishlab chiqarishdagi o’rni
Agrar sohada olib borilayotgan islohotlarning mazmun mohiyati, mamlakatimiz
qishloq xo‘jaligida va sanoat tarmoqlarida oziq-ovqat mahsulotlarini ishlab chiqarish xususiyatlarini, oziq-ovqat xavfsizligini ta‘minlashda davlatning iqtisodiy roli, agrar islohotlar va oziq-ovqat sohasida integratsiya jarayonlari to‘g‘risidagi bilimlarga ega bo‘lgan mutaxassis ishlab chiqarish jarayonlarida muhim qarorlarni qabul qilishda mustahkam asoslarga tayanadi.


Fanni o’qitishdagi zamonaviy axborot va pedagogik texnologiyalar
Talabalarning «Agrar siyosat va oziq-ovqat xavfsizligi» fanini o‘zlashtirishlari uchun o‘qitishning ilg‘or va zamonaviy usullaridan foydalanish, yangi informatsion-pedagogik texnologiyalarni tadbiq qilish muhim ahamiyatga egadir. Fanni o‘zlashtirishda darslik, o‘quv va uslubiy qo‘llanmalar, ma‘ruza matnlari, tarqatma materiallari, elektron materiallari, virtual stendlar (hamda ishchi holatidagi ishlab chiqarishdagi na‘munalari va maketlari) dan foydalaniladi. Ma‘ruza va amaliy dasturlarida mos ravishdagi ilg‘or pedagogik texnologiyalardan foydalaniladi.