Microsoft Word 05 Kishlok xujalik mahsulotlar sifati va marketingi

Meva  va  sabzavotlarning  yangiligi.  Meva  va  sabzavotlarning  yangiligi  eng  ahamiyatli 
koʻrsatkichlardan biri hisoblanadi. Faqat yongʻoq, bosh piyoz va sarimsoq uchun bu koʻrsatkichlar 
boʻyicha standartlarda talablar koʻrsatilmagan. Yangi terib olingan mevalar va yigʻishtirib olingan 
sabzavotlar  suvini  yoʻqotmagan  boʻlganligi  uchun  ham  yuqori  isteʻmol  qiymatiga  va 
saqlanuvchanlikka ega boʻladi. 
Umuman meva va sabzavotlar yangi, soʻlib qolmagan boʻlishi kerak. Yangi terib olingan meva 
va  sabzavotlardan  suv  bugʻlanib  chiqishi  natijasida  ular  xujayrasida  suvda  eruvchan  quruq 
moddalarning  konsentratsiyasi  oshib  ketadi.  Natijada  bu  jarayon  fermentlarning  faolligiga  salbiy 
taʻsir koʻrsatib, ularda xayot jarayonlarning buzilishiga sabab boʻladi. Bu esa oʻz navbatida meva va 
sabzavotlarning  noqulay  muhitga  nisbatan  tabiiy  kurashuvchanligini  yoʻqotib,  ularning 
mikrobiologik va fiziologik kasalliklar bilan kasallanishini keltirib chiqaradi.