Microsoft Word 05 Kishlok xujalik mahsulotlar sifati va marketingi

Qator  oraligʻiga  ishlov  berish.  Qator  oraligʻiga  ishlov  berishdan  maqsad  begona  oʻtlarni 
yoʻqotish va tuproq yuzasini yumshoq saqlashdir.  
Tuproq  yuzasi  yumshatilganda  namning  parlanishi  kamayadi,  zararli  tuzlar  yuzaga 
koʻtarilmaydi, havo almashinuvi yaxshilanadi, tuproq suv oʻtkazuvchanligi oshadi. 
Qator  oraligʻiga  ishlov  berishni  nihol  toʻliq  unib  chiqib,  qatori  bilinishi  bilanoq  boslilamoq 
kerak. Chunki bu vaqtda begona oʻtlar ildiz otmagan, gʻoʻza ildiz sistemasi ham nozik, ildiz chirish 
kasalligiga chalinib qolish xavfi boʻladi. 
Yer osti suvi chuqur joylashgan yerlarda gʻoʻzani birinchi suvigacha bir marta, yer osti suvi 
yuza joylashgan yerlarda esa ikki marta kultivatsiya oʻtkaziladi. Keyingi kultivatsiyalar esa sugʻorish 
soni  bilan  bogʻliq  boʻlib,  tuproq  yetilishi  bilan  oʻtkaziladi.  Jami  4—5,  baʻzan  6—7  martagacha 
kultivatsiya  qilinadi.  Kultivatsiyani  oʻtkazish  chuqurligiga  eʻtibor  berish  kerak.  Meʻyoridan  ortiq 
chuqurlikda oʻtkazilganda gʻoʻzaning ildiz sistemasi jarohatlanib, hosiliga zarar yetishi mumkin. 
Agar birinchi kultivatsiya oʻtkazilayotganida begona oʻtlar uchrasa, ishchi organlardan pichoq 
va  gʻozpanja  birgalikda  ishlatiladi.  Begona  oʻtdan  toza  maydonlarda  faqat  yumshatuvchi  ishchi 
organlarini oʻmatish kifoya. 
Gʻoʻzaning dastlabki rivojlanish davrida chetki ishchi organlari 6—8 sm, oʻrtadagisi esa 10—
12 sm chuqurlikda yumshatiladi. Himoya zona 10—12 sm boʻlib, bu zona oʻz navbatida kultivatorga 
UROR ishchi organi oʻrnatilib, oʻsimlikdan 3—5 sm masofada yurdirish bilan yumshatiladi. 
Keyingi  kultivatsiyalarda,  ayniqsa,  suvdan  keyin,  qatlamlab  yumshatiladigan  KKO  ishchi 
organlari  oʻrnatiladi.  Bular  naralniklar  boʻlib,  chetki  organlar  8—10  sm  chuqurlikda,  oʻrtasidagi 
organlar  esa  12-14-16  sm  chuqurlikda  ishlaydi,  qator  oraligʻi  90  sm  li  maydonlarda  esa  chetki 
organlar 8—10 sm boʻlsa, oʻrtasidagi organlar 16—20 sm chuqurlikda oʻrnatiladi. Himoya zonasi 
esa 15—16 sm gacha oshiriladi. 
Sugʻorish uchun joʻyak chuqurligi 60 sm qator oraliqda oʻsimlik rivojlanish davrlariga qarab 
12—18, 90 sm qator oraligʻida 15—20—30 sm gacha yetkaziladi.