Microsoft Word 05 Kishlok xujalik mahsulotlar sifati va marketingi

Kanopni yetishtirish texnologiyasi. 
Oʻgʻitlash.  Kanop  oziqa  elementlariga  juda  talabchan.  Poyalar  hosili  gektaridan  100  s 
boʻlganda kanop tuproqdan 120—150 kg azot, 60—80 kg fosfor, 120—160 kg kaliyni oczlashtiradi. 
oʻsuv davrining birinchi yarmida fosfor va kaliyni koʻp oʻzlashtiradi. Azotni oʻzlashtirish shonalash 
va gullash davrida ortadi. 
Kanop  oʻgʻitlashga  juda  taʻsirchan.  Gektariga  15—20  t  goʻng  va  maʻdanli  o4gcitlarni 
birgalikda qoʻllash juda yuqori samara beradi. 
Goʻng yillik meʻyorining hammasi, fosforli va kaliyli oʻgʻitlarning yarmi yerni haydash oldidan 
solinadi. Gektariga 25—30 kg azot va fosfor ekish bilan, qolgan qismi ikki marta oziqlantirish sifatida 
8—10 ta barglar hosil boʻlganda va shonalash fazalarida solinadi. 
Tuproqni  ishlab.  Kuzda  tuproqni  ishlash  imkoni  boricha  ertaroq  o4kaziladi.  Kuzgi  shudgor 
sentabr,  oktabrda  28—30  sm  chuqurlikda,  chimqirqarli  pluglarda  bajariladi.  Erta  bahorda  namni 
saqlash, qisman yerni tekislash maqsadida ikki izli qilib ≪zig-zag≫ boronalari bilan boronalanadi. 
Ekishdan oldin tuproq chizellanadi yoki otvalsiz pluglar bilan ishlanadi. Tuproq zichlashmagan 
boclsa, ekish oldidan 1—2 kultivatsiya qilish, boronalash, zarur hollarda molalash oʻtkaziladi. Ekish 
oldidan yer albatta tekislanadi. 
Ekish.  Ekish  uchun  saralangan,  tozalangan,  sogʻlom  yuqori  konditsiyali  urugʻlar  ekiladi. 
Ekishdan oldin urugʻlar oftobda yoyib quritiladi, ponaktin preparati bilan 200 g/s urugʻga hisobida 
ishlanadi. 
Oʻzbekistonda kanop, asosan, Toshkent viloyatida ekiladi. Eng maqbul ekish muddati Toshkent 
viloyati sharoitida 10—20-aprel, urug` uchun ekilganda 1—10-aprel. 
Tuproqdagi  harorat,  ekish  chuqurligida  12—15  °C  qiziganda  ekish  boshlanadi.  Ekishni 
kalendar muddatlari tuproq-iqlim sharoitiga qarab oʻzgaradi. 
Ekish SPCH-6A yoki STX-4G, SXU-4, SXU-8 chigit seyalkalarida oʻtkaziladi. Qator oralari 
60, 70 sm. Keyingi yillarda kanopni qoʻshqatorlab, lentalar orasi 20 sm qilinib, qator oralarini 70 sm 
qilib  ekish  yuqori  samara  bermoqda.  Ekish  meʻyori  25—30  kg/ga.  Kanop  urugʻlik  uchun 
oʻstirilganda qator oralari 60 sm qilib ekiladi. Urugʻlik uchun  ekilganda  kanopning  ekish meʻyori 
gektariga 8—10 kg ni tashkil qiladi. Ekish chuqurligi 5—6 sm, ogcir tuproqlarda 3—4 sm. 
Parvarishi. Kanop urugʻlari ekilgandan keyin maysalar hosil bolguncha qatqaloq hosil boʻlsa, 
qatqaloq boronalash  yocli bilan yocq qilinadi. Kanop dastlabki rivojlanish fazalarjda sekin oʻsadi, 
shuning uchun begona oʻtlar bilan tez ifloslanishi mumkin. Boronalash, qator oralarini kultivatsiya 
qilish begona oʻtlarni qisman yoʻq qiladi. Oʻsuv davrida qator oralari 5—6 marta ishlanadi. Har bir 
sugʻorishdan keyin tuproq yetilishi bilan kultivatsiya oʻtkaziladi. Qator oralari oʻsimlik qatorlarini 
yopib qoʻyguncha oʻtkaziladi (oʻsimlik boʻyi 0,8—1 m ga yetguncha). 

---

Oʻsuv davrida tola uchun oʻstirilgan kanop 5—6 marta sugʻoriladi. 
Sugʻorish meʻyori 800—1200 m3/ga. Sugʻorishlar soni, meʻyori sizot suvlarining joylashish 
chuqurligiga ham bogʻliq. 
Oʻsimlikning  oʻsuv  davrida  tuproqdagi  namlik  CHDNS  ning  80  %  ushlanganda  eng  qulay 
namlik hosil qilinadi. Sizot suvlarning joylashish chuqurligi, atmosfera yogʻingarchiliklari hisobga 
olingan holda sugʻorish sxemalari, rejimi belgilanadi. Odatda, birinchi sugʻorish oʻsimlik boʻyi 12—
16 sm ga yetganda, navbatdagilari har 15—20 kunda oʻtkaziladi. 
Urugʻlik uchun ekilgan kanop agrotexnikasi, tola uchun oʻstirilgandagiga nisbatan farq qiladi. 
Urugʻlik kanopzorlarda  oʻsimlik qalin boʻlsa,  yagana qilinadi va bir  gektarda 150—180 ming tup 
oʻsimlik qoldiriladi. Sugʻorishlar oʻsuv davrida 3 marta oʻtkaziladi. Birinchi sugʻorish oʻsimlik 18—
20 barg hosil qilganda, ikkinchisi shonalashda, uchinchisi gullash fazalarida oʻtkaziladi. Mavsumiy 
sugʻorish meʻyori 3500-4000 m3/ga. 
Hosilni yigʻishtirish. Kanop tola uchun oʻstirilganda, ekinzordagi 50 % oʻsimliklar gullaganda 
texnikaviy pishish boshlanadi. Yashil poyalar texnik jihatdan yetilganda hosil oʻriladi. Yangi oʻrilgan 
poyalardan tolani ajratish LO—1A tola ajratish mashinalarida bajariladi. Olingan yashil lublar dalada 
qator  qilib  quritiladi.  Quritilgan  lublar  10—12  kg vaznda  bogʻlanadi.  Tayyorlash  manzilgohlariga 
topshirishdan oldin lub navlarga ajratiladi. 
Kanop  KU—0,2  kombaynlarida  oʻrilganda  poyalami  kesish,  yetilmagan  va  begona  oʻtlarni 
ajratish, poyalardan lub ajratish va ularni quritish uchun yerga yoyib qoʻyish ishlari amalga oshiriladi. 
Urugʻlik  kanop  JK—2,1  oʻroq  mashinalarida,  75  %  oʻsimlikda  pastki  3—4  ta  koʻsaklar 
yetilganda oʻra boshlanadi. Toshkent viloyatida kanop urugʻlari hosili, odatda, 5—15-sentabrda oʻra 
boshlanadi. 
Oʻrilgan poyalar dalada soʻlitish uchun 3—4 kun qoldiriladi, keyin ular dastalab bogʻlanadi va 
quritiladi.  Qurigan  bogʻlamlar  MKF—6  mashinasi  yordamida  yanchiladi.  Yanchilgan  urugʻlar 
tozalanadi, saralanadi, poyalar bogʻlanib lub zavodlariga joʻnatiladi.