Microsoft Word 05 Kishlok xujalik mahsulotlar sifati va marketingi

1. Tolali zigʻir (v. elongata) — asosan, tolasi uchun ekilgan. Poyasining  boʻyi 60—175 sm, 
faqat yuqori qismidan shoxlanadi. Koʻsaklari 2—3 ta, oʻrtacha 8—10. Poyasining mahsuldor qismi, 
urugʻ palla joylashgan joydan toʻpgul hosil qiladigan birinchi shoxgacha. Poyaning bu qismidan eng 
qimmatli tola (26—31 %) olinadi. Rangi och yashil yoki koʻk yashil. Barglari lansetsimon, bandsiz. 
Gullari toʻgʻri, beshtalik tipda koʻk, pushti yoki oq rangli tojbarglari bor. Changchilari toʻq sariq yoki 
sariq, urugʻchisi beshta uyali tuguncha, beshta ustunchasi bor. 
Mevasi  besh  uyali  koʻsak,  har  bir  uya  yana  ikkiga  boʻlinadi,  har  bir  uyada  bittadan  urugʻ 
joylashgan. 
Urugʻliklar yassi, tuxumsimon shaklda, qoʻngʻir yoki jigarrang. Ildiz tizimi kuchsiz va mayda 
yon ildizlardan iborat, tuproqning haydalma qatlamida asosiy massasi joylashgan. 
Tolali zigʻir moʻtadil, sernam, yumshoq iqlimga ega mintaqalarda ekiladi. 1000 urugʻ massasi 
3—6 g. Urugʻlar koʻkarayotganda oʻz vazniga nisbatan 100—180 % suvni yutadi.