Microsoft Word 05 Kishlok xujalik mahsulotlar sifati va marketingi

Marketing  rejasi  —  bu  marketing  faoliyatining  barcha  turlarini  korxonaning  maqsadlari, 
uning  resurslari,  kadrlar  imkoniyati,  tashkiliy  tuzilishiga  muvofiq  birlashtirishga  imkon  beruvchi 
tashkiliy-boshqaruvchilik  hujjatidir.  Korxona  kelajak  haqida  aniq  tasavvurga  ega  boʻlishi  kerak, 
degan  fikr  mavjud.  Bu  tasavvur  asosiy  strategik  yoʻnalishni  belgilaydi,  tafsilotlar  esa  oldinga 
harakatlanish  davrida  ishlab  chiqiladi.  Shuning  uchun  marketing  rejasi  hal  qiladigan  vazifalardan 
kelib chiqqan holda uning korporativ rejadagi vaziyati muvofiqlashtiruvchi rol oʻynaydi. 
Marketing rejasi odatda kirishdan boshlanadi, unda maqsadlar va ularni hayotga tadbiq qilish 
boʻyicha tadbirlar bayon qilinadi (1-jadvalga qarang). Bozor vaziyati va uning istiqbollari boʻlimida 
taqdim  qilingan  axborot  asosida  bozor,  tovar,  raqobatchilar  va  tovarlarni  tarqatish  tahlil  qilinadi. 
Korxona imkoniyatlari va xavf-xatarlarini tahlil qilishdan maqsad tovarga taʻsir koʻrsatishi mumkin 
boʻlgan asosiy xavflar va imkoniyatlarni tasvirlashdir. Moliyaviy va marketing maqsad va vazifalari 
boʻlimida mazkur tovar boʻyicha korxonaning vazifalari ifodalanadi. Shu jumladan, sotilishlar hajmi, 
bozor ulushi, sof foyda, narxlar darajasi koʻrsatkichlari, shuningdek, shu vazifalarni bajarish vaqtida 
korxona  duch  kelishi  mumkin  boʻlgan  muammolar  ham  yoritiladi.  Marketing  strategiyasi 
rejalashtirilgan  maqsadlarga  erishish  uchun  foydalanadigan  umumiy  marketing  yondashuvidan 
iborat. Harakatlar dasturlari nima, kim tomondan va qachon amalga oshirilishini va buning qiymati 
qancha  boʻlishini  belgilaydi.  Byudjetlar  —  bu  kutiladigan  xarajat  va  daromadlar.  Ular  mazkur 

---

rejaning bajarilish natijalarini oldindan moliyaviy baholashga imkon beradi va, nihoyat, nazorat va 
tartiblashtirish rejaning  bajarilishi qanday nazorat qilinishi va rejadagi xatti-harakatlar oʻzgartirish 
boʻyicha tadbirlar qanday amalga oshirilishini koʻrsatadi. 
Rejani amalga oshirish uchun javobgarlik marketing xizmatiga yuklatiladi. Bunda marketing 
rejasini  amalga  oshirish  uchun  zarur  boʻlgan  asosiy  tadbirlar  va  vaziflarni  belgilab  beradigan 
harakatlar dasturi, shuningdek, rejalashtirish, axborot olish, byudjetni tuzish, mehnatga haq toʻlash, 
ragʻbatlantirish bilan bogʻliq boʻlgan jarayonlar muvofiqlashtiriladigan qarorlar va ragʻbatlashlarni 
qabul qilish tizimi eng muhim boʻlib hisoblanadi.