Microsoft Word 05 Kishlok xujalik mahsulotlar sifati va marketingi

birlamchi  axborot—aniq  marketing  muammosini  yechish  uchun  maxsus  dala  (bozor) 
tadqiqotlari va modellash asosida hozirgina olingan maʻlumotlar massivi; 
ikkilamchi  axborot  —  qachonlardir  korxonada  tadqiq  qilinayotgan  aniq  muammo  yechimi 
bilan  bogʻliq  boʻlmagan  qandaydir  maqsadlar  uchun  kimdir  tomonidan  toʻplangan  maʻlumotlar 
toʻplami. 
Axborotning ikkala turi ham oʻziga xos afzalliklar va kamchiliklarga ega. Masalan, ikkilamchi 
axborot  arzonroq  tushadi,  uni  olish  va  ishlatish  oson,  shuningdek,  u  nisbatan  haqqoniydir.  Biroq 
Oʻzbekiston sharoitida, aniqrogʻi uning axborot makonida hozircha malakali marketing maʻlumotlari 
juda kam, -rasmiy, shu jumladan, qaydnomali va regional statistika esa tarqoq, kamdan-kam holda 
tizimli  koʻrinishda  berilgan  va  shuning  uchun  hamma  vaqt  ham  kuzda  tutilayotgan  marketing 
faoliyatining  maqsadlarini  aks  ettirmaydi.  Bunday  holatda  tadqiqotchilar  oddiga  qoʻyiladigan 
vazifalarning  aniq  maqsadlariga  koʻra  toʻplanadigan,  har  doim  eng  yangi  va  ishonchli  boʻlgan 
birlamchi marketing axborotlariga koʻproq tayanishga toʻgʻri keladi. 
Axborotni,  ayniqsa,  tashqi  muhit  haqidagi  axborotni  izlash  va  shakllantirishda  kompyuter 
axborot  tarmoqlari  muhim  rol  oʻynaydi.  Hozirgi  vaqtda  ikki  turdagi  tarmoqlar  kanallari  mavjud. 
Internet  —  45  mingdan  koʻproq  kichik  lokal  tarmoqlardan  iborat  boʻlgan  global  kompyuter 
tarmogʻidir.  U  butun  yer  kurrasi  boʻyicha  uzluksiz va  markazlashgan  axborot  almashishga  imkon 

---

beradi.  Hozirgi  vaqtda  undan  jahonning  150  mamlakatida  56  milliondan  koʻproq  kishilar 
foydalanadilar.  Foydalanuvchilar  elektron  pochtani  yuborishlari,  xarid  qilishlari,  tadbirkorlik 
axborotini  olishlari  mumkin.  Tijorat  kanallari  —  taʻsischi  kompaniyalarning  abonent  toʻlovlari 
asosida  ishlaydigan  axborot  va  marketing  xizmatlaridir.  Mijozlarga  axborot  olish  (yangiliklar, 
kutubxonalar, maʻlumotlar va boshqalar), xarid qilish, hordiq chiqarish va muloqot qilish (elektron 
taxtalar, oʻyinlar, forumlar), elektron pochtadan foydalanish imkoniyatlari beriladi.