Microsoft Word 05 Kishlok xujalik mahsulotlar sifati va marketingi

Tashqi sharoitlarning rivojlanishini tavsiflaydigan materiallar, avvalo, shu bilan qimmatliki, 
ular  bozor  holati,  uning  infrastrukturasi,  xaridorlar  va  vositachilarning  xatti-harakatlari, 
taʻminotchilar,  raqobatchilar,  shuningdek,  davlat  tomonidan  tartiblashtirish  chora-tadbirlari  va 
hokazolar haqidagi axborotlarni beradi. Bu yerda quyidagi harakterdagi yoʻnalishlar kuzatiladi: 


 tashqi muhit monitoringi (konʻyunktura, jarayonlar va tendensiyalarni oʻrganish); 


 muhitdan nusxa olish (mavjud axborotlarni olish); 


 muhitni prognozlash (rivojlanish istiqbollarini baholash). 
Monitoring deb aniq belgilangan, tor doiradagi maʻlumotlarni doimiy toʻplash, izlash tizimiga 
aytiladi.  Monitoring  ommaviy  axborot  vositalarini  oʻrganishda  eng  koʻp  tarqalgan.  Koʻpincha 
monitoring obyekti boʻlib reklama va, birinchi navbatda, uning radio va, ayniqsa, televideniye kabi 
vositalari hisoblanadi. 
Quyida  batafsil  yoritiladigan  marketing  tadqiqotlari  bozor  rivojlanishining  tendensiyalari  va 
jarayonlari,  uning  sigʻimi,  sotilishlar  dinamikasi,  raqobatchilarning  xatti-harakatlari,  shuningdek, 
isteʻmolchilar  xatti-harakatlarining  sabablari,  mahsulotning  raqobatbardoshligi,  ragʻbatlantirish  va 
reklamaning samaradorligi, taqsimlash kanallari va boshqalarga nisbatan qoʻllanadi. 
Yigʻilgan  marketing  axborotiga  ishlov  berish  maqsadida  tegishli  dastur  asosida  analitik 
marketing tizimi yaratiladi. U maʻlumotlar banki va modellar bankini oʻz ichiga oladi. Prognozlash 
jarayonlarining  tahlilini  oʻtkazishda  oʻrtacha  miqdorlar,  guruhlashlar,  trendlar,  regression  va 
korrelyasion usullar, omilli va klasterli tahlil, qarorlarni qabul qilish nazariyasi usullari, jarayonlarni 
oʻrganish usullari, evristik usullar va shu kabi boshqa iqtisodiystatistik va iqtisodiymatematik usullar 
qoʻllanadi. 
Hosil boʻlish bosqichlariga qarab marketing axborotini quyidagi ikki turga boʻladilar: